Njerëzit janë më fleksibël se kurrë për vendet dhe kohët që udhëtojnë. Për t'i ndihmuar ata të përfitojnë nga këto mundësi të reja, po prezantojmë ndryshimin më të madh të një dekade, duke përfshirë një mënyrë krejtësisht të re për të kërkuar, për të qëndruar më gjatë dhe një nivel të pakrahasueshëm mbrojtjeje.
Prezantimi i një dizajni krejtësisht të ri, të ndërtuar rreth Kategorive të Airbnb, për t'i ndihmuar vizitorët tanë të eksplorojnë lehtësisht botën e Airbnb dhe të zbulojnë vende që nuk do të kishin ditur t'i kërkonin.
Pritësit tanë ofrojnë miliona banesa unike nëpër botë. Kategoritë e Airbnb i organizojnë ato në koleksione të kuruara, me mbi 50 kategori banesash të zgjedhura për stilin, vendndodhjen ose aktivitetet në afërsi. Ato përfshijnë:
Tani vizitorët mund të zbulojnë lehtësisht mbi 20 000 banesa të zgjedhura për arkitekturën dhe ambientet e tyre të brendshme ikonike, duke përfshirë kryevepra nga arkitektë si Frank Lloyd Wright dhe Le Corbusier.
Pritësit e Airbnb ofrojnë koleksionin më të madh të banesave unike në botë, nga shtëpitë mbi pemë te shtëpizat, në mbi 100 000 qytete në 220 shtete.
Ne i vlerësojmë listimet në Airbnb duke përdorur mësimin automatik për të analizuar titujt, përshkrimet me shkrim, recensionet e vizitorëve, diçiturat e fotografive dhe të dhëna të tjera.
Anëtarët e ekipit të kujdesit të Airbnb shqyrtojnë listimet dhe fotografitë e zgjedhura. Pastaj çdo kategori i nënshtrohet një shqyrtimi përfundimtar për qëndrueshmërinë dhe cilësinë e fotografisë.
Gjithnjë e më shumë njerëz po bëjnë udhëtime më të gjata se kurrë. Për t'u dhënë atyre edhe më shumë alternativa kur planifikojnë, kemi krijuar qëndrimet e ndara, një veçori e re novatore që e ndan udhëtimin midis dy banesave të ndryshme. Tani vizitorët mund të gjejnë mesatarisht 40% më shumë listime kur kërkojnë qëndrime më të gjata.
Kur vizitorët të kërkojnë një qëndrim më të gjatë në një destinacion të vetëm, do të ofrojmë mundësinë e ndarjes së udhëtimit të tyre midis dy banesave të ndryshme në zonë.
Qëndrimet e ndara ofrohen gjithashtu në 14 kategori të ndryshme, duke përfshirë Kamping, Parqe kombëtare, Surf e të tjera, në mënyrë që vizitorët të mund të shijojnë banesa ose aktivitete të ngjashme në dy vende. Për shembull, një vizitor që shfleton kategorinë Parqe kombëtare mund të gjejë një qëndrim të ndarë që sugjeron një banesë pranë Zionit dhe një tjetër pranë Grand Canyon.
Ne lidhim në mënyrë inteligjente dy banesa, të përputhura sipas vendndodhjes, llojit të pronës dhe shërbimeve.
Qëndrimet e ndara lidhen në hartë përmes një animacioni që tregon qartë distancën midis banesave dhe renditjes së qëndrimeve.
Pasi një vizitor të zgjedhë një qëndrim të ndarë, ai udhëzohet përmes një prezantimi praktik për të prenotuar çdo banesë, një nga një.