Detajet e listimit

Titullin e listimit mund ta ndryshosh kur të duash, ndaj mos ngurro t'i vësh një titull që nxjerr në pah veçantitë e ambientit tënd.

Vizitorët mund t'i filtrojnë rezultatet e kërkimit të listimeve sipas shërbimeve të ofruara, prandaj është e rëndësishme të përfshish çdo gjë që ofron.

Vizitorët me nevoja për aksesueshmëri mund të kërkojnë listime bazuar në kërkesat e tyre individuale.

Verifiko lidhjen e internetit dhe shpejtësinë e wifi për ta bërë listimin të spikatë kur vizitorët të kërkojnë një vendqëndrim.

Pritësit i publikojnë rregullat e shtëpisë për t'u qartësuar vizitorëve pritshmëritë e tyre, si p.sh. lejen për të marrë me vete kafshë shtëpiake apo për të pritur vizitorë.

Manuali i vizitorit shpjegon veçoritë e listimit tënd, si p.sh. si funksionon televizori ose ku mund të gjesh më shumë batanije.

Transparenca ndihmon për të krijuar besim dhe për të vendosur pritshmëri të qarta midis pritësve dhe vizitorëve. Duke zbuluar kamerat e sigurisë, pajisjet regjistruese dhe matësit e zhurmës në decibel, pritësit mund të ndihmojnë që vizitorët të dinë se çfarë të presin gjatë qëndrimit të tyre.

Pritësit tanë amerikanë janë të angazhuar t'i paguajnë pastruesit e tyre në mënyrë të drejtë.

Pasi të kesh përfunduar hapat për publikimin e listimit, do të mund të krijosh udhëzuesin e pritësit.

Zbulo se kur dhe si mund ta modifikosh adresën e listimit tënd.

Vizitorët me rezervime të konfirmuara do të kenë të dhënat e vendndodhjes dhe adresën e saktë të listimit tënd. Mund të zgjedhësh që t'u shfaqësh vizitorëve të mundshëm vendndodhjen e përgjithshme ose të saktë.

Verifikimi i listimeve e bën më të lehtë për vizitorët të prenotojnë me besim. Pritësve mund t'u kërkohet të tregojnë se listimi i tyre është një banesë e vërtetë, në një vendndodhje të saktë dhe se kanë qasje në atë vendndodhje.

Listimi i caktohet automatikisht një lagjeje, në bazë të adresës së saj e pas kësaj lagjja nuk mund të modifikohet.

Vizitorët nuk do të marrin udhëzime për regjistrimin deri në 48 orë para se të fillojë rezervimi, por udhëzimet për çregjistrimin do të jenë të disponueshme për vizitorët para se të prenotojnë.

Oraret e regjistrimit dhe të çregjistrimit për listimin tënd, mund t'i caktosh te cilësimet e prenotimit.

Të rekomandojmë që të ngarkosh disa fotografi me rezolucion të lartë. Fotografitë mund t'i renditësh si të duash duke i tërhequr.

Për çdo hapësirë të disponueshme, mund të krijosh një listim të ndryshëm. Çdo dhomë do të ketë kalendarin dhe faqen e listimit të saj, ku specifikohet numri i krevateve dhe shërbimet e ofruara.

Shko te organizimi i fjetjes dhe shto numrin dhe llojet e krevateve.

Vizitorët presin që të kenë mundësinë të mbyllin dhomën e gjumit ose çdo banjë ku mund të hyjnë. Prandaj rekomandojmë që pritësit të shtojnë brava me çelës në çdo dhomë gjumi dhe banjë që vizitorët mund të përdorin.

Gjatë prenotimit të listimeve "Dhoma" duhet të jetë e qartë për vizitorët nëse banja është e përbashkët, e dedikuar ose private në dhomë.

Dhomat janë të përsosura për vizitorët që preferojnë pak privatësi, por që duan të takojnë njerëz të rinj dhe ta përjetojnë zonën sikur të ishin vendas. Ja se çfarë duhet të kesh parasysh para se të presësh vizitorë në një dhomë.

Zbulo se si të kontrollosh nëse ka ndonjë shërbim fotografik profesional të disponueshëm në zonën tënde dhe kërko një sesion fotografish.

Ne do të bëjmë më të mirën për të të lidhur me një fotograf të disponueshëm në zonën tënde. Kur fotografi të pranojë, do të të dërgojmë me email të dhënat e tij.

Pastro, rregullo dhe organizo ambientin në mënyrë të tillë që të lësh përshtypjen më të mirë tek vizitorët e mundshëm. Fotografi yt mund të rekomandojë disa rregullime të vogla.

Koston e sesionit fotografik do ta zbresim nga shlyerja e pagesës së radhës që do të marrësh nga një prej listimeve të tua.

Njoftoje fotografin të paktën 24 orë përpara për të riprogramuar apo për të anuluar sesionin fotografik. Sesioni fotografik nuk rimbursohet nëse ka filluar.

Fotografi yt do të jetë vendas, i kualifikuar dhe do të ketë përvojë me fotografimin e interiereve. Ata do të sigurohen që fotografitë ta përfaqësojnë hapësirën tënde me saktësi.

Ekipi ynë i modifikon dhe i shqyrton të gjitha imazhet para se t'i ngarkojë direkt në listimin tënd, ku do të jenë të disponueshme për këdo në Airbnb.

Gjej informacione se si t'i shkarkosh fotografitë e tua profesionale. Ki parasysh se ato janë vetëm për përdorimin tënd personal dhe nuk mund të përdoren në një faqe tjetër pasurish të paluajtshme ose qiradhënieje.

Ofrojmë vetëm një sesion fotografik profesional për çdo listim. Sesioni nuk mund të anulohet ose të rimbursohet pasi ka filluar.