"Dhomat" janë një këndvështrim krejtësisht i ri për dhomat private në Airbnb

Shënim i redaktorit: Ky artikull u publikua si pjesë e Versionit të verës 2023 të Airbnb. Informacioni mund të ketë ndryshuar që nga publikimi. Mëso më shumë për versionin më të fundit të produktit.

Airbnb filloi si një mënyrë ekonomike për udhëtarët që qëndrojnë në banesën e dikujt tjetër. Ndër vite, pritësit e dhomave private i kanë bashkuar njerëzit dhe i kanë ndihmuar vizitorët të eksplorojnë vende të reja si vendasit.

Sot, njerëzit duan të udhëtojnë me çmim të arsyeshëm, veçanërisht duke pasur parasysh situatën aktuale ekonomike. Dhe pas viteve të izolimit gjatë pandemisë, ata po kërkojnë mënyra për t'u lidhur me të tjerët dhe për të pasur përvoja autentike.

Për këtë arsye po prezantojmë "Dhomat", një këndvështrim krejtësisht i ri për dhomat private. Përmirësimet përfshijnë:

• Pasaportën e pritësit, që vizitorët të të njohin para se të prenotojnë

• Kategorinë e re "Dhoma" dhe filtrat e rikonceptuar të kërkimit që e bëjnë më të lehtë për vizitorët të zbulojnë dhoma private

• Detaje të reja të privatësisë për komoditetin e të gjithëve

Vizitorët na kanë thënë se duan të dinë se me kë do ta ndajnë hapësirën para se të prenotojnë një dhomë private. Pasaporta jote e pritësit tani të ofron më shumë mënyra për t'u prezantuar te vizitorët. Gjithashtu, merr detaje nga profili dhe i nxjerr në pah gjatë kërkimit dhe në listimin tënd.

Ndryshimi i parë që do të vësh re është se fotografia e profilit shfaqet në cepin e fotografisë kryesore të listimit. Vizitori mund ta shtypë ose ta klikojë për të shkuar te pasaporta jote si pritës dhe të lexojë disa detaje që ke ndarë për veten tënde.

Emri, vitet si pritës, vlerësimi me yje dhe numri i recensioneve të vizitorëve shfaqen në krye të pasaportës së pritësit. Më poshtë, seksionet e reja të profilit të lejojnë të ndash gjëra të tilla si vendi ku jeton, hobet, emri i kafshës shtëpiake, fakte argëtuese dhe çfarë e bën qëndrimin në ambientin tënd të veçantë.

Mund të zgjedhësh fotografinë dhe informacionin që ndan duke modifikuar profilin tënd. Gjithashtu, mund të vëresh se seksionet e mëparshme të profilit të pritësit kanë një format të ri, ndaj është mirë të sigurohesh që puna, gjuhët dhe vendndodhja të shfaqen ashtu siç ti dëshiron.

Merr sugjerime se si të bësh një fotografi të shkëlqyer për pasaportën e pritësit

Është e lehtë për vizitorët që të zbulojnë listimin tënd përmes kategorisë së re "Dhoma" në krye të faqes kryesore. Filtri i rikonceptuar i kërkimit gjithashtu e bën të lehtë kalimin midis dhomave private, banesave të plota dhe të gjitha llojeve të tjera të ambienteve. Çmimi mesatar i secilit ambient që vizitori zgjedh shfaqet në filtër.

Duke filluar nga data 3 maj, listimi yt duhet të përmbushë të gjitha këto kritere për t'u përfshirë në kategorinë "Dhoma":

• Vizitori ka një dhomë private me derë.

• Vizitori ka qasje në një banjë private ose të përbashkët.

• Vizitori ka qasje në të paktën një hapësirë të përbashkët, si kuzhina, dhoma e ndenjjes ose oborri i pasmë.

• Në vend të një emri biznesi apo tjetër, pritësit përdorin emrin e tyre në listim.

• "Dhomë private" zgjidhet si lloji i listimit ose i dhomës në cilësimet e listimit.

• Dhoma private nuk është një dhomë e përbashkët, hotel, resort, tendë, kamper, njësi e pavarur (si një bungalow në oborrin e shtëpisë), ose çdo lloj prone tjetër në këtë listë.

Listimet që nuk plotësojnë këto kritere të reja nuk do t'u shfaqen vizitorëve si listime të llojit "Dhoma" në kërkim ose në faqet e listimit. Mund të zgjedhësh një lloj të ri listimi ose të përditësosh listimin në mënyrë që të plotësojë këto kritere. Nëse dëshiron që listimi të shtohet ose të hiqet nga kategoria "Dhomat", mund t'i dërgosh një kërkesë Asistencës së komunitetit.

Vizitorët që shfletojnë dhomat private shpesh kontrollojnë për detaje që i ndihmojnë ata të ndihen rehat dhe të sigurt. Për të të ndihmuar në vendosjen e pritshmërive, e kemi zhvendosur këtë informacion me lart në faqen e listimit:

• Nëse dera e dhomës së gjumit ka një bravë me çelës. Vizitorët presin që të jenë në gjendje të mbyllin derën. Nëse dhoma jote private nuk ka një bravë me çelës, konsidero ta shtosh një të tillë.

• Nëse banja është private, e dedikuar ose e përbashkët. Për të gjitha listimet në Airbnb, vizitorët kërkojnë qasje në një banjë që ka lavaman, tualet dhe dush ose vaskë. Listimi yt tani mund të nxjerrë në pah nëse banja e vizitorit është private në dhomë, e dedikuar (private, por që mund të arrihet përmes një hapësire të përbashkët, si p.sh. një korridor), ose e ndarë me të tjerët.

• Kush tjetër mund të jetë në pronë Vizitorët duan të dinë nëse do të takohen me njerëz të tjerë gjatë qëndrimit të tyre, si vizitorë të tjerë, anëtarë të familjes ose shokë të dhomes. Mund të shmangësh pritshmëritë e gabuara duke shtuar detaje se kush mund të jetë në banesë.

• Sa ndërveprim social duhet të presin. Vizitorët shpesh kënaqen duke kaluar kohë me pritësit, të cilët mund t'i ndihmojnë ata ta njohin destinacionin e tyre si vendasit. Mund të shënosh se sa kohë të pëlqen të kalosh me vizitorët gjatë qëndrimit të tyre.

Për të përditësuar këto detaje, shko te seksioni "Dhomat dhe hapësirat" te listimi yt.

"Dhomat" dhe 25 përmirësimet për pritësit do të fillojnë të prezantohen gjatë kësaj jave si pjesë e Versionit të verës 2023 të Airbnb.