Zbulo fuqinë e mbështetjes së pritësve ndaj pritësve

Që nga viti 2007, më shumë se 4 milionë pritës kanë publikuar ambientet e tyre në Airbnb. Shumë nga këta pritës kanë gjetur lidhjen dhe mbështetjen që iu duhej përmes klubeve lokale të pritësve ose Qendrës së komunitetit të Airbnb.

Klubet e pritësve drejtohen nga pritës në komunitete anembanë botës, përmes grupeve private në Facebook dhe takimeve. Duke u bashkuar me një klub lokal pritësish, mund të kesh qasje në:

• Sugjerime nga pritësit që kanë analizuar gjëra të tilla si rregulloret për qiratë afatshkurtra në zonën tënde
• Takimet me pjesëmarrje fizike dhe virtuale që mund të çojnë në marrëdhënie kuptimplota
• Qasje të privilegjuar në lajmet dhe përditësimet më të fundit të produkteve të Airbnb
• Rekomandimet e mundshme të vizitorëve nga pritësit që marrin një kërkesë për të cilën nuk ofrojnë dot një qëndrim
• Ndjesinë e komunitetit dhe mbështetjes së vazhdueshme

"Jo shumë kohë më parë, një nga pritësit në komunitetin tonë po haste vështirësi në marrjen e më shumë prenotimeve", thotë Janvi, një drejtues komuniteti në Kenia. "Brenda pak minutash, të tjerët në grup u përgjigjën me sugjerime për vendosjen e një çmimi konkurrues për natë në zonë, punësimin e një fotografi vendas për të fotografuar ambientin dhe përditësimin e dekorit të tij. Është gjithnjë frymëzuese kur komuniteti bashkohet për të mbështetur njëri-tjetrin."

Qendra e komunitetit të Airbnb është një forum virtual që lidh pritës të rinj dhe me përvojë nga e gjithë bota. Pritësit janë të mirëpritur në një hapësirë bashkëpunuese dhe dinamike ku mund:

• Të kërkojnë bisedat ekzistuese dhe të kenë qasje në sugjerime mbi një gamë të gjerë temash
• Të kërkojnë këshilla se si të menaxhojnë një situatë specifike, si p.sh.: si t'i përgjigjen mesazhit të një vizitori ose një recensioni negativ
• Të ndajnë listimin e tyre me pritës të tjerë dhe të marrin përshtypje dhe sugjerime për përmirësime
• Të ndajnë me njëri-tjetrin histori rreth përvojave të tyre të pritjes së vizitorëve të tilla si një shënim të bukur që kanë marrë nga një vizitor ose një problem me kalendarin me të cilin po përballen
• Të japin përshtypje drejtpërdrejt për punonjësit e Airbnb

"Tre vite pasi fillova të pres vizitorë, erdha në Qendrën e komunitetit për të gjetur një zgjidhje për një problem specifik me teknologjinë", thotë Lawrene, pritëse në Nova Scotia, Kanada. Duke lexuar bisedat, kuptova se mund të kisha shmangur shumë gabime të zakonshme nëse do të isha regjistruar më shpejt.

"Është me të vërtetë një komunitet. Janë njerëz që japin këshilla dhe mbështetje duke qenë realë, dhe jo të fshehur pas një avatari apo emri përdoruesi. Janë njerëz bujarë dhe kujdesen për të tjerët. Ka kaq shumë pritës këtu me të cilët dua të qëndroj një ditë."

Informacioni në këtë artikull mund të ketë ndryshuar që nga publikimi.