Ndikimi i Airbnb.org në vitin 2022

Viti 2022 ishte një vit rekord për Airbnb.org. Duke bashkëpunuar me pritës dhe organizata humanitare nga e gjithë bota, organizatat jofitimprurëse u kanë mundësuar qëndrime të përkohshme falas më shumë se 140 000 njerëzve. Ky është një numër më i madh se nëntë vitet e mëparshme të marra së bashku.

Bujaria e pritësve dhe donatorëve ndihmoi për të mbështetur:

• Refugjatët që u larguan nga Ukraina pas pushtimit të Rusisë
• Refugjatët nga Afganistani që mbërritën në Amerikën e Veriut.
• Familjet e shpërngulura në të gjithë Amerikën Latine për shkak të paqëndrueshmërisë politike dhe ekonomike
• Komunitetet në SHBA të prekura nga uraganët Ian dhe Fiona

Airbnb.org është një organizatë jofitimprurëse që vepron në mënyrë të pavarur nga Airbnb. Frymëzimi për krijimin e saj lindi në vitin 2012, kur një pritëse hapi banesën e saj për njerëzit e prekur nga uragani Sandy. Gjatë dekadës së fundit, puna e saj ka evoluar për të ndihmuar në sigurimin e qëndrimeve për të evakuuarit, punonjësit e ekipeve të shpëtimit, refugjatët, azilkërkuesit dhe punonjësit e vijës së parë që luftonin kundër përhapjes së COVID-19.

Pas pushtimit të Rusisë në shkurt 2022, më shumë se 6 milionë persona u larguan nga Ukraina në kërkim të sigurisë. Kjo ishte lëvizja më e madhe e refugjatëve nëpër Evropë që nga Lufta e Dytë Botërore.

Airbnb.org u angazhua të gjejë strehim të përkohshëm për 100 000 prej tyre. Donacionet erdhën nga 95 vende dhe dhjetëra mijëra pritës u regjistruan për të ofruar strehim falas ose me zbritje. Vërshimi i mbështetjes i lejoi Airbnb.org të bashkojë forcat me organizata në të gjithë Evropën dhe Amerikën e Veriut për të lidhur refugjatët me vendqëndrime.

Krizat prekin në mënyrë joproporcionale grupet historikisht të margjinalizuara. Në vitin 2022, Airbnb.org i vazhdoi përpjekjet e saj për t'u shërbyer këtyre komuniteteve.

Për shembull, Black Women for Black Lives dhe Global Empowerment Mission bashkëpunuan me Airbnb.org për të mbështetur studentët afrikanë që po studionin në Ukrainë. Disa agjenci qeveritare nuk i konsideruan studentët e huaj si refugjatë dhe shumë prej tyre u përballën me racizëm kur u përpoqën të largoheshin nga Ukraina dhe të merrnin qasje në burime në vende të tjera.

Një tjetër partner, Organizata për Refugjatët, Azilin dhe Migracionin (ORAM), u përqendrua te refugjatët LGBTQ+ nga Ukraina që u përballën me diskriminim. Në Berlin, ORAM U lidh me Dima, një burrë homoseksual nga Kyiv, me Mary, një amerikane në Berlin që e kishte publikuar apartamentin e saj përmes Airbnb.org. Mary siguroi një hapësirë të sigurt për Dima sapo ai mbërriti në Gjermani (siç përshkruhet në videon e mësipërme).

Shumë organizata të tjera humanitare ofruan qëndrime në Airbnb.org si pjesë e punës së tyre, duke përfshirë:

• HIAS në Ekuador mbështet njerëz si Daniela, familja e së cilës u largua për shkak të dhunës në Kolumbi. HIAS i lidh ata me pritës si Mery, që jeton në një lagje në Quito ku janë vendosur shumë refugjatë. HIAS ofron trajnime se si të presësh njerëz që kanë përjetuar trauma, si dhe mbështetje gjatë qëndrimeve të tyre.
• Community Sponsorship Hub, organizata e parë amerikane që i është dedikuar posaçërisht zgjerimit të sponsorizimit të komunitetit për refugjatët. Përmes Programit "Rrethet e sponsorëve" ajo bashkëpunoi me fqinjët në qytete të ndryshme për të mirëpritur të sapoardhurit afganë dhe ukrainas.
• Insight Ukraine, një organizatë për të drejtat e njeriut të komunitetit LGBTQ+, ndihmoi mijëra njerëz të largoheshin nga Ukraina dhe të kishin qasje në strehim, kujdes të shëndetit mendor dhe në mjekë që tregohen gjithëpërfshirës ndaj personave LGBTQ+ ndërsa risistemohen.
• Münchner Freiwilligengriti stacione ndihme për personat që mbërrinin në Mynih nga Ukraina, duke i ndihmuar ata të merrnin një shumëllojshmëri shërbimesh, përfshirë strehimin.

Falënderojmë pritësit, donatorët dhe partnerët që i janë bashkuar kësaj lëvizjeje globale për të nxitur përkatësinë në kohë krize.