Tërhiq vizitorë me testin e ri të shpejtësisë së wifi

Shumë vizitorë mbështeten tek interneti i shpejtë për të realizuar një udhëtim të shkëlqyer dhe është thelbësore për ata që punojnë në distancë. Në fakt, kërkimet e Airbnb tregojnë se wifi është një nga shërbimet që vizitorët kërkojnë më shpesh dhe se shtimi i një hapësire pune për laptop në shërbimet e një listimi mund të ndihmojë disa pritës të rrisin të ardhurat e tyre.*

Shpejtësia ka rëndësi kur bëhet fjalë për wifi, nga shikimi i filmave deri në pjesëmarrjen pa probleme në një thirrje-konferencë. Tani pritësit mund të verifikojnë shpejtësinë e wifi të listimit të tyre pa dalë nga aplikacioni i Airbnb duke përdorur testin e ri të shpejtësisë së wifi. Ky mjet të mundëson të testosh me lehtësi shpejtësinë e wifi të pronës sate dhe më pas ta shfaqësh atë direkt në faqen e listimit, duke të ndihmuar të tërheqësh më shumë vizitorë që kërkojnë qëndrime të lidhura.

Testi i shpejtësisë së wifi është aktualisht i disponueshëm në aplikacionin e Airbnb për iOS dhe Android. Për të filluar, duhet të jesh në hapësirën tënde dhe të lidhesh me rrjetin wifi të pronës.

Pasi të jesh aty, ndiq këta hapa:

1. Shtyp Profili dhe më pas shtyp Kalo tek pritja e vizitorëve
2. Shtyp Listimet dhe zgjidh listimin që do
3. Tek Rreth listimit, shko te Shërbimet
4. Shko te Wifi dhe shtyp Shto detaje
5. Shtyp Testo shpejtësinë e wifi (duhet të lejosh qasjen në vendndodhje nëse nuk është miratuar tashmë)
6. Shtyp Fillo testimin
7. Pas shfaqjes së rezultateve, shtyp Ruaj për ta shfaqur shpejtësinë e wifi në faqen e listimit tënd
8. Nëse shpejtësia e wifi është 50 Mbps e lart, do të theksohet se listimi yt ka wifi të shpejtë

Mëso më shumë rreth ofrimit të wifi për vizitorët

Shpejtësia e internetit matet me megabit për sekondë dhe ky numër mund të tregojë se sa e shpejtë është lidhja. Këto janë rezultatet e ndryshme të testit të shpejtësisë së wifi dhe çfarë nënkuptojnë:

• Asnjë rezultat: nuk ka wifi të disponueshëm. Nuk ke wifi ose nuk mund të lidhet. Provo të rindezësh ruterin ose të lëvizësh në një hapësirë tjetër në pronën tënde.
  
• 1-6 Mbps: Shpejtësi bazë e wifi. Vizitorët mund të kontrollojnë mesazhet dhe të shfletojnë internetin.
  
• 7-24 Mbps: Shpejtësi e qëndrueshme e wifi. Vizitorët mund të luajnë video HD.
  
• 25-49 Mbps: Shpejtësi e mirë e wifi. Vizitorët mund të luajnë video 4k me cilësi më të lartë dhe t'i bashkohen një telefonate me video.
  
• Mbi 50 Mbps: Uau! Shpejtësi e lartë e wifi. Vizitorët mund të luajnë video 4k dhe t'i bashkohen një telefonate me video në shumë pajisje. Do të theksojmë se listimi yt ka wifi të shpejtë.

Mëso më shumë rreth verifikimit të shpejtësisë së internetit

Pasi të ketë përfunduar testi dhe të jenë ruajtur rezultatet, shpejtësia e wifi (në megabit për sekondë) do të shfaqet tek Shërbimet, ngjitur me Wifi, për t'u mundësuar vizitorëve të konfirmojnë shpejtësinë e internetit para se të prenotojnë.

Nëse shpejtësia jote është 50 Mbps e lart, do të zhbllokosh një shërbim të ri: Në faqen e listimit do të shfaqet “Wifi i shpejtë”.

Duke qenë se wifi është një shërbim jashtëzakonisht i rëndësishëm, kemi kënaqësinë të të ofrojmë një mjet që mund të të ndihmojë të informosh vizitorët për shpejtësinë e wifi dhe ta bësh listimin tënd në Airbnb më tërheqës.

*Sipas të dhënave të brendshme të Airbnb për shërbimet më të kërkuara nga data 1 shtator 2020 deri më 1 shtator 2021.