Si të kesh një komunikim efektiv me vizitorët
Përgjigju shpejt dhe përdor mjetet e Airbnb për sukses.
Nga Airbnb, më 17 shk 2023
Përditësuar më 17 shk 2023Lexim 2-minutësh
Është thelbësore që vizitorët të kenë informacione të rëndësishme para regjistirmit, si udhëzimet për rrugne dhe për hyrjen në ambient. Pjesë e rregullave bazë për pritësit është edhe gatishmëria jote për t'iu përgjigjur pyetjeve dhe zgjidhja e problemeve të vizitorëve sa më shpejt që të jetë e mundur.
Përcaktimi i strategjisë së komunikimit
Pasi vizitorët të jenë sistemuar, qëndro në dispozicion nëse kanë pyetje. Provo këto sugjerime për të qenë aktiv:
- Shkarko aplikacionin Airbnb në telefon dhe aktivizo njoftimet. Mund të marrësh njoftime me mesazh, email ose drejtpërdrejt nga aplikacioni.
- Përdor përgjigjet e shpejta. Hartoji dhe ruaji mesazhet për t'i dërguar për pak sekonda, në mënyrë që sa herë që një vizitor të bëjë një pyetje të zakonshme, të mund të përgjigjesh shpejt.
- Provo mesazhet e programuara. Me këtë mjet, vizitorët marrin mesazhe automatike në momente të rëndësishme, si pas prenotimit ose para regjistrimit.
- Kërko ndihmën e një bashkëpritësi për t'iu përgjigjur vizitorëve nëse nuk do të mundesh të monitorosh telefonin ose emailin tënd.
Shkëmbimi i mesazheve me vizitorët
Kur një vizitor prenoton ambientin tënd, dërgo një mesazh të ngrohtë dhe mikpritës. Duke treguar empati dhe duke mos bërë supozime është shumë e rëndësishme.
Mos harro t'i kontaktosh në këto momente kyçe:
- Para mbërritjes: Jepu vizitorëve udhëzime të qarta se si ta gjejnë ambientin dhe që të regjistrohen të paktën 24 orë para mbërritjes së programuar.
- Regjistrimi: Qëndro në dispozicion për t'u siguruar që vizitorët të hyjnë brenda dhe t'u përgjigjen çdo pyetjeje që kanë.
- Pas natës së parë: Komuniko në vazhdimësi me vizitorët duke u dërguar një shënim të shpejtë për t'i pyetur se si e kaluan natën e parë dhe nëse u nevojitet diçka.
- Para çregjistrimit: Kujtoji vizitorët për orarin e çregjistrimit dhe gjithçka që nevojitet për çregjistrimin, si fikja e dritave ose mbyllja e ngrohjes.
- Pas largimit: Dërgoju një shënim të shpejtë për t'i falënderuar, gjë që mund t'u kujtojë vizitorëve të shkruajnë një recension.
Airbnb
17 shk 2023
A ishte e dobishme kjo?