Si të kontrollosh çmimet e tua

Listimet me çmime të përditësuara të paktën katër herë në vit kishin mbi 30% më shumë net të prenotuara se ato me çmime të papërditësuara, sipas të dhënave tona.* 

Disa pritës me disa listime na thonë se nuk i përditësojnë shpesh çmimet e tyre sepse kjo mund të kërkojë shumë kohë. Zbritjet janë një mënyrë e thjeshtë për të ndryshuar çmimin për natë në rrethana specifike. Dhe grupet e rregullave të ndihmojnë të personalizosh strategjinë e çmimeve në mënyrë efikase.

Merr në konsideratë përfitimet nga çdo zbritje për të përcaktuar se cilat janë të përshtatshme për listimet e tua. 

• Zbritje sipas kohëzgjatjes: Ul çmimin për qëndrimet nga dy ditë deri në 12 javë. Kjo mund të zgjasë kohëzgjatjen mesatare të qëndrimit në të gjitha listimet e tua, të zvogëlojë sistemimet e ambientit midis qëndrimeve dhe të të ndihmojë në përmirësimin e renditjes së listimit në rezultatet e kërkimit të Airbnb. 
• Zbritja e minutës së fundit: Ul çmimin për natë kur afrohet data e regjistrimit. Kjo të ndihmon të zësh çdo natë të paprenotuar dhe të rrisësh të ardhurat. 
• Zbritja për prenotimet e hershme: Shto një zbritje për prenotimet e bëra nga 1 deri në 24 muaj para regjistrimit dhe krijo një bazë të mirë prenotimesh për sezonet e ardhshme. 
• Promocioni për listimin e ri: Ofro një zbritje prej 20% për tre prenotimet e para të listimeve të reja. Ndihmo që listimet e tua të prenotohen dhe të recensohen më shpejt.

Se ku i gjejnë zbritjet vizitorët, kjo varet nga përqindja e zbritjes.

• 1% ose më shumë: Vizitorëve u shfaqet zbritja si një zë i veçantë në zbërthimin e çmimit në listimin tënd (nëse nuk e kanë aktivizuar çmimin total) dhe në momentin e pagesës.
• 10% ose më shumë: Vizitorëve u shfaqen çmimet e vijëzuara në rezultatet e kërkimit, si dhe gjithçka më sipër.
• 20% ose më shumë: Vizitorëve që kanë kërkuar së fundmi për listime në zonën tënde mund t'u shfaqen listimet e tua të përzgjedhura në emailet e Airbnb, si dhe gjithçka më sipër.

Duke filluar nga nëntori i vitit 2023, rreth një e katërta e netëve të prenotuara për qëndrime më të gjata ishin për udhëtime për tre muaj ose më shumë. Vizitorët e interesuar për qëndrime më të gjata priren të kërkojnë për listime me zbritje.

Nëse nuk dëshiron që të shtosh një zbritje për të gjitha datat e disponueshme, grupet e rregullave të lejojnë të përshtatësh çmimin për natë dhe cilësimet e kalendarit në varësi të faktorëve të caktuar. Grupet e rregullave mund t'i zbatosh për disa listime ose për një listim të vetëm.

Mendo për periudhën e vitit kur vendos se si do t'i përdorësh grupet e rregullave. Për shembull, le të themi se kërkesa në zonën tënde ndryshon sipas sezoneve. Mund të krijosh një grup rregullash që i përshtat cilësimet e tua në rastet kur prenotimet janë zakonisht të pakta. Mund të zgjedhësh të përfshish zbritje për prenotimet e hershme dhe sipas kohëzgjatjes së qëndrimit, të rrisësh kohëzgjatjen maksimale të qëndrimit dhe të shtosh prenotimin brenda ditës për t'i nxitur vizitorët të prenotojnë për datat e disponueshme.

Përveç zbritjeve, mund t'i modifikosh këto cilësime të disponueshmërisë në një grup rregullash.

• Kërkesat për kohëzgjatjen e udhëtimit: Cakto qëndrimin minimal dhe maksimal, të cilin mund ta personalizosh sipas ditës. 
• Kërkesat për regjistrimin dhe çregjistrimin: Zgjidh ditët kur vizitorët regjistrohen dhe çregjistrohen. 

Për të përdorur grupet e rregullave, sigurohu që të kesh zgjedhur të përdorësh mjetet e pritjes profesionale të vizitorëve. (Nëse ke gjashtë ose më shumë listime, zgjedhja kryhet automatikisht.) Këto mjete janë të disponueshme vetëm në desktop. 

Për të krijuar një grup të ri rregullash:

1. Shko te Kalendari i shumëfishtë.
2. Zgjidh datat për të cilat dëshiron të zbatosh një grup rregullash.
3. Në panel, zgjidh rregullat.
4. Kliko Krijo një grup të ri rregullash.
5. Emërto grupin e rregullave (si p.sh. "Sezoni i pikut"). 
6. Pranë rregullit që dëshiron të shtosh, kliko Personalizo.
7. Vendos rregullat për çmimet dhe disponueshmërinë.
8. Kliko Ruaj.
9. Për të hequr një rregull, kliko Anulo.

Për të modifikuar një grup ekzistues rregullash:

1. Shko te Kalendari i shumëfishtë.
2. Kliko grupet e rregullave.
3. Lëviz te grupi i rregullave që dëshiron të menaxhosh dhe më pas kliko Modifiko.

Grupet e rregullave për çmimin për natë do të zbatohen para grupeve të rregullave për zbritjet. Grupet e rregullave do të zbatohen edhe nëse është aktivizuar funksioni "Çmimet inteligjente".

*Bazuar në të dhënat e Airbnb për listimet aktive duke filluar nga muaji korrik i vitit 2022

Nëse përdor softuer të lidhur me API, do të mund t'i përdorësh këto veçori nga softueri nëse ofruesi yt i ka integruar ato. Nëse jo, kontakto me ofruesin tënd për të mësuar se kur do të jenë të disponueshme.

Informacioni në këtë artikull mund të ketë ndryshuar që nga publikimi.