Krijo një udhëzues ku të shtosh sugjerimet e tua për zonën
Në përgjithësi, vizitorët kërkojnë rekomandime lokale për ngrënien, vizitat panoramike, blerjet dhe përvojat në natyrë. Në një udhëzues mund të ndash vendet e tua të preferuara, si p.sh. ku të pish një kafe ose ku të bësh një shëtitje të paharrueshme.
Krijimi i një udhëzuesi i vendos të gjitha sugjerimet e tua në një vend që është i lehtë për t'u ndarë dhe përditësuar, duke të kursyer kohë.
Sugjerime për krijimin e një udhëzuesi
Shkruaj shkurt. Lehtësoja vizitorëve leximin e sugjerimeve të tua. Shpjego se cili është ambienti apo përvoja dhe pse duhet ta provojnë atë.
Jepi karakter personal. Rekomandimet më të mira vijnë nga njohuritë dhe përvoja personale. Është më mirë të rekomandosh vetëm ambiente ku vetë ty të ka shijuar qëndrimi.
Nxirr në pah veçoritë dalluese. Përmend karakteristikat e jashtëzakonshme, si veranda e jashtme e një restoranti ose pjesa e një dyqani me prodhime të zonës.
Përfshi një fotografi. Airbnb shton automatikisht imazhe në shumicën e rekomandimeve. Mund të ngarkosh edhe fotografi që ke bërë për çdo vend që përfshin.
Mbaje të përditësuar. Kontrollo herë pas here udhëzuesin për të shtuar sugjerime të reja dhe për të kontrolluar nëse të gjitha informacionet janë ende të sakta.
Si mund të hyjnë vizitorët tek udhëzuesi yt
Vizitorët mund ta gjejnë udhëzuesin tënd në faqet e listimit dhe profilit tënd dhe në skedën "Udhëtimet".
Mund të konfigurosh gjithashtu një përgjigje të shpejtë për udhëzuesin tënd dhe t'ua dërgosh direkt vizitorëve kur ata kërkojnë rekomandime.