Si të përfundosh publikimin e hapësirës
Mirë se u ktheve! Në këtë hap mund të zgjedhësh midis përfundimit të një listimi që e ke filluar tashmë, krijimit të një listimi të ri dhe dublikimit të pjesëve të caktuara të një listimi ekzistues.
1. Përfundo listimin
Çdo listim që ke filluar tashmë listohet këtu. Ato më të hershmet që ke punuar do të shfaqen në krye. Nëse ke më shumë se tre listime në proces, shtyp Shfaqi të gjitha për të zgjeruar listën. Pasi të zgjedhësh listimin në të cilin do të punosh, do të fillosh që atje ku e ke lënë dhe do të mund të kthehesh gjithmonë për të shqyrtuar dhe modifikuar çdo detaj që ke vendosur.
2. Krijo një listim të ri
Për të filluar një listim të ri, mjafton të shtypësh + dhe do të të udhëzojmë gjatë hapave.
3. Dubliko një listim ekzistues
Mund të kursesh kohë për krijimin e një listimi të ri duke përdorur detaje nga një ekzistues. Kjo funksionon mirë për pritësit që publikojnë hapësira të ngjashme, si disa dhoma private në të njëjtën banesë. Ke mundësinë të përdorësh të njëjtat fotografi ose të shtosh të reja.
Nga fillimi deri në fund, mund ta publikosh hapësirën tënde me 10 hapa kryesorë:
- Zgjidh llojin e hapësirës ku planifikon të presësh vizitorë
- Vazhdo të përshkruash më tej llojin e pronës sate
- Sqaro nëse vizitorët do ta kenë për vete ambientin
- Vendos vendndodhjen
- Përcakto se sa vizitorë do të doje të mirëprisje
- Listo shërbimet e ambientit tënd
- Shto dhe organizo fotografitë e tua
- Emërtoje ambientin tënd
- Përshkruaj ambientin tënd
- Cakto çmimin tënd për natë
Mund të bësh gjithmonë ndryshime në listim edhe pasi ta kesh publikuar. Do të kesh gjithashtu mundësi të përmirësosh mënyrën se si dëshiron të presësh vizitorë, duke filluar nga përditësimi i kalendarit, shqyrtimi i rregullores së anulimit e deri te shtimi i rregullave të shtëpisë.