Si do të paguhesh për pritjen e vizitorëve

Airbnb e bën të lehtë marrjen e pagesave që ne i quajmë shlyerje pagesash, me vetëm pak hapa.

Je ti që zgjedh se si dëshiron t'i marrësh paratë që fiton duke pritur vizitorë. Alternativat e tua varen nga vendi ku ndodhesh. Në mënyrat e shlyerjes së pagesës përfshihen:

• Llogaria bankare
• Pagesa e shpejtë
• Transferta ndërkombëtare elektronike
• Karta e parapaguar e debitit Mastercard nga Payoneer
• PayPal
• Western Union

Për të konfiguruar shlyerjet e pagesave, shto një mënyrë të shlyerjes së pagesës nën Pagesat dhe shlyerjet e pagesave në cilësimet e llogarisë sate të pritjes së vizitorëve. Mënyra që zgjedh do të zbatohet për të gjitha shlyerjet e ardhshme të pagesave derisa ta ndryshosh atë.

Mund të të duhet të japësh informacionin e taksapaguesit, në mënyrë që të të dërgojmë dokumentet e duhura të taksave. Nuk e ke të qartë nëse kjo vlen për ty? Mëso më shumë rreth formularëve të taksave

Ndërsa mënyra e shlyerjes së pagesës po verifikohet, ajo do të shfaqet si në pritje. Procesi i verifikimit mund të zgjasë deri në 10 ditë, pavarësisht se mund të zgjedhësh pagesën e shpejtë, e cila verifikohet në çast.

Zgjidh çdo rezervim në kalendar për të zbuluar se sa ka paguar vizitori dhe fitimet e tua për atë qëndrim. Lëviz poshtë detajeve të prenotimit për listat e detajuara ku përfshihet:

• Çmimi yt për natë për qëndrimin e vizitorit
• Çdo tarifë që vendoset me zgjedhje për pastrimin, kafshët shtëpiake ose vizitorët shtesë
• Taksat e qëndrimit
• Tarifat e shërbimit për vizitorët dhe pritësit
• Shlyerja e pagesës së bashkëpritësit, nëse ke konfiguruar një të tillë
• Shlyerja totale e pagesës

Shumica e pritësve paguajnë një tarifë shërbimi për pritësin prej 3%. Kjo tarifë e ndihmon Airbnb të mbulojë kostot e produkteve dhe shërbimeve që të ndihmojnë të lëshosh me qira ambientin tënd, si asistenca e klientit 24/7. Mëso më shumë rreth tarifave të shërbimit

Nëse shlyerja e pagesës është më e ulët se ç'prisje, mund të jetë për shkak të zbritjeve që ke shtuar ose për shkak të një anulimi ose ndryshimi të rezervimit. Tarifat e transaksionit mund të zbatohen edhe për mënyra të caktuara të shlyerjes së pagesës, edhe pse shumë janë të disponueshme pa kosto shtesë.

Paratë që fiton nga pritja e vizitorëve dërgohen rreth 24 orë pas orarit të programuar të regjistrimit të vizitorit. Koha e saktë kur fondet mbërrijnë në llogarinë tënde, varet nga mënyra e zgjedhur e shlyerjes së pagesës.

Mënyrat e disponueshme të shlyerjes së pagesës dhe kohët e tyre të zakonshme të dërgimit përfshijnë:

• Pagesë të shpejtë: 30 minuta ose më pak
• Payoneer: 24 orë ose më pak
• PayPal: 1 ditë pune
• Western Union: 1 ditë pune (mund të ndryshojë sipas vendit/rajonit)
• Transfertë bankare: 3 deri në 5 ditë pune
• Transfertë ndërkombëtare: 3 deri në 7 ditë pune

Kur pret vizitorë për një qëndrim prej 28 netësh e lart, Airbnb i dërgon fitimet me këste mujore, duke filluar nga 24 orë pas regjistrimit të vizitorit tënd. Statusin e shlyerjeve të pagesave të tua mund ta kontrollosh në panelin e veprimeve të fitimeve në çdo kohë. Mëso më shumë rreth marrjes së pagesave