Hapja e banesave në kohë krize me Airbnb.org
Veçantitë
Airbnb.org është një organizatë e pavarur jofitimprurëse e frymëzuar nga bujaria e pritësve
Pritësit që ofrojnë qëndrime falas apo me zbritje ose donacione të përsëritura, kualifikohen për distinktivin e mbështetësit të Airbnb.org
Aftësia jote si pritës për t'i bërë njerëzit të ndihen të mirëpritur në hapësirën tënde na frymëzon çdo ditë. Jemi veçanërisht krenarë për mënyrën se si komuniteti ynë i pritësve e ka mbështetur Airbnb.org, organizatën jofitimprurëse të themeluar në vitin 2020 për të vazhduar punën e filluar nga programi i Open Homes dhe i qëndrimeve të vijës së parë.
Që nga viti 2012, të gjithë ju i keni hapur banesat tuaja për më shumë se 100 000 njerëz, duke përfshirë refugjatët, azilkërkuesit dhe punëtorët bazë në vijën e parë të pandemisë COVID-19 dhe të evakuuarit nga katastrofat natyrore anembanë botës.
Puna e Airbnb.org është e mundur falë bujarisë së pritësve që ofrojnë qëndrime dhe donatorëve që ofrojnë fonde për të ndihmuar njerëzit në vështirësi.
Fitimi i distinktivit të mbështetësit të Airbnb.org
Po festojmë bujarinë e komunitetit të pritësve duke ofruar distinktivin e mbështetësit të Airbnb.org. Pritësit mund të mbështesin Airbnb.org dhe të fitojnë distinktivin:
Duke u regjistruar për të pritur vizitorë për qëndrime emergjente falas ose me zbritje
Duke u bërë donator i përsëritur
Ofrimi i qëndrimeve emergjente
Distinktivi i mbështetësit të Airbnb.org i njeh pritësit që kanë të paktën një listim aktiv përmes Airbnb.org që ofron qëndrime emergjente falas ose me zbritje. Ofrimi i një qëndrimi në Airbnb.org nënkupton strehimin e të evakuuarve, refugjatëve ose të tjerëve në nevojë për strehim të përkohshëm në kohë krize.
Dhurimi i përsëritur
Mund të fitosh gjithashtu distinktivin e mbështetësit të Airbnb.org duke u regjistruar për t'i dhuruar Airbnb.org një përqindje të shlyerjeve të pagesave të tua në mënyrë të vazhdueshme. Ose, nëse preferon, mund të bësh një donacion të njëhershëm pa u kualifikuar për distinktivin.
Mëso më shumë rreth dhurimit nga shlyerja e pagesës.Marrja e përgjigjeve për pyetjet e shpeshta
Cila është marrëdhënia e Airbnb.org me Open Homes dhe me qëndrimet e vijës së parë?
Në vitin 2020, programet e Open Homes dhe qëndrimet e vijës së parë në Airbnb, u bënë Airbnb.org, një organizatë jofitimprurëse 501(c)(3). Edhe pse Airbnb ndan anëtarët e komunitetit me Airbnb.org, organizata jofitimprurëse është një organizatë e pavarur me një bord të pavarur drejtorësh.
Ku shfaqet distinktivi i mbështetësit të Airbnb.org?
Distinktivi shfaqet si në profilin e pritësit ashtu edhe në faqet e listimit tënd. Nëse dëshiron ta fshehësh distinktivin, kontakto me ekipin tonë të asistencës.
A ndikon distinktivi në listimin tim në kërkim?
Distinktivi feston mbështetjen tënde bujare të Airbnb.org. Nuk ndikon në mënyrën se si shfaqen listimet në rezultatet e kërkimit të Airbnb dhe vizitorët nuk mund t'i filtrojnë kërkimet e tyre për distinktivët e Airbnb.org në këtë moment.
A ndikon distinktivi në distinktivin ose statusin tim si superpritës?
Distinktivi i mbështetësit të Airbnb.org nuk ndikon në distinktivin ose statusin tënd si superpritës. Distinktivi do të shfaqet pranë distinktivit tënd si superpritës.
A do ta humbas distinktivin e mbështetësit të Airbnb.org nëse tërhiqem nga pritja e vizitorëve ose dhurimi në Airbnb.org?
Po, por distinktivi do të rishfaqet nëse rifillon të presësh vizitorë ose të dhurosh në Airbnb.org. Mund ta fshehësh banesën tënde nga Airbnb.org ose të ndërpresësh apo të ndalosh dhurimin tënd të përsëritur.
Në çfarë mënyre po ndihmon Airbnb?
Airbnb është angazhuar të financojë kostot operacionale tëAirbnb.org, në mënyrë që të gjitha donacionet të shkojnë drejtpërdrejt për organizatat jofitimprurëse partnere dhe njerëzit që Airbnb.org u shërben.
Veçantitë
Airbnb.org është një organizatë e pavarur jofitimprurëse e frymëzuar nga bujaria e pritësve
Pritësit që ofrojnë qëndrime falas apo me zbritje ose donacione të përsëritura, kualifikohen për distinktivin e mbështetësit të Airbnb.org