Si i mbron Airbnb pritësit

Jemi këtu për të të asistuar gjatë pritjes së vizitorëve. Për sa kohë që e përdor Airbnb për komunikime, prenotime dhe pagesa, mbrohesh nga rregulloret dhe shërbimet tona.

AirCover për pritësit do të thotë mbrojtje nga A-ja te Zh-ja për çdo pritës në Airbnb. Përfshin Sigurimin për përgjegjësinë e pritësit deri në 1 milion dollarë. Gjithashtu, përfshin Mbrojtjen e pritësit nga dëmtimet deri në 3 milionë dollarë, me mbulim për veprat e artit, sendet me vlerë, makinat, varkat, mjetet e tjera motorike dhe mjetet ujore që parkon ose ruan në pronën tënde e më shumë.

AirCover për pritësit ofron masa mbrojtëse para udhëtimit me anë të verifikimit të identitetit të vizitorëve për të garantuar që vizitorët të cilët kanë prenotuar të jenë ata që thonë se janë. Kryejmë kontrolle të aktivitetit penal të vizitorëve që prenotojnë kur lejohet me ligj dhe kontrollojmë nëse vizitorët që prenotojnë janë në lista të caktuara monitorimi apo sanksionesh. Teknologjia jonë e shqyrtimit të rezervimeve ndihmon gjithashtu në zvogëlimin e mundësisë së festave të rrëmujshme dhe dëmtimeve të pronës.

Airbnb është i disponueshëm për të të asistuar 24 orë në ditë, shtatë ditë në javë, në 46 gjuhë.

• Telefon dhe asistencë online: Për çështje urgjente, na telefono. Për çështje jo urgjente, si përditësimi i kalendarit ose rregullimi i çmimeve, na dërgo një mesazh.
• Asistenca e dedikuar për superpritësit: Superpritësit lidhen automatikisht me një anëtar ekspert të ekipit të Asistencës së Airbnb, sa herë që kontaktojnë Airbnb.
• Linjë sigurie 24-orëshe: Nëse ndodh të ndiesh pasiguri, aplikacioni ynë ofron qasje me një klikim tek agjentët e sigurisë të trajnuar posaçërisht, ditën ose natën.

Airbnb kërkon që të gjithë vizitorët të ndjekin rregullat bazë për vizitorët. Ata duhet ta trajtojnë ambientin me respekt, të ndjekin rregullat e shtëpisë, të komunikojnë menjëherë nëse shfaqen probleme dhe ta lënë shtëpinë në një gjendje që nuk kërkon pastrim të tepruar. Çdo vizitor që prenoton do t'i pranojë këto rregulla bazë para se të bëjë një rezervim. 

Nëse një vizitor nuk ndjek rregullat bazë, mund ta raportosh duke kontaktuar Asistencën e Airbnb ose duke i dhënë vizitorit një vlerësim të ulët për pastërtinë ose rregullat e shtëpisë gjatë procesit të recensionit. Vizitorët që shkelin në mënyrë të përsëritur rregullat standarde të shtëpisë mund të pezullohen ose të hiqen nga Airbnb nëse problemet vazhdojnë.

Rregullat e shtëpisë zbatohen sipas rregullave bazë dhe të lejojnë të vendosësh pritshmëri për vizitorët që janë specifike për ambientin tënd. Ti mund të zgjedhësh nga lista e rregullave standarde të shtëpisë në lidhje me:

• Kafshët shtëpiake
• Eventet
• Pirjen e duhanit, cigaret me avull dhe cigaret elektronike
• Orarin e qetësisë
• Oraret e regjistrimit dhe çregjistrimit
• Numrin maksimal të vizitorëve
• Fotografimin dhe filmimin komercial

Nëse ke udhëzime të veçanta që nuk përfshihen në rregullat standarde të shtëpisë, mund t'i shkruash ato te rregullat shtesë te cilësimet e listimit. Për shembull, mund t'u kërkosh vizitorëve t'i mbyllin dhe t'i kyçin të gjitha dritaret para se të largohen.

Recensionet dhe profilet e vizitorëve të ndihmojnë t'i njohësh vizitorët para qëndrimit të tyre. Vizitorëve që prenotojnë një rezervim ose i bashkohen një udhëtimi u kërkohet të krijojnë një profil të plotë, me një fotografi dhe detaje rreth vetes. 

Mund të kesh besim se recensionet e vizitorëve bazohen në përvoja reale pasi pritësit dhe vizitorët mund ta recensojnë njëri-tjetrin vetëm pasi rezervimi të ketë përfunduar. Ke gjithashtu mundësinë t'u bësh pyetje vizitorëve dhe të vendosësh pritshmëri në çdo moment para se të vijnë për të qëndruar.

Nëse përdor funksionin "Prenoto në çast", mund të zgjedhësh ta ofrosh atë vetëm për vizitorët që kanë përfunduar të paktën një qëndrim pa incidente ose vlerësime të ulëta. Nëse preferon kërkesat manuale për prenotim, mund të hysh në profilet dhe recensionet e vizitorëve para se të pranosh një rezervim. 

Mund të anulosh gjithmonë një rezervim kur ke arsye të besueshme për të menduar se do të organizohet një festë për sa kohë që ndjek Rregulloren e anulimit të pritësit. Nëse nuk ndihesh rehat me një kërkesë për udhëtim, mund ta refuzosh atë për sa kohë që ndjek Rregulloren e mosdiskriminimit.

Informacioni në këtë artikull mund të ketë ndryshuar që nga publikimi.

Mbrojtja e pritësit nga dëmtimet në kuadër të AirCover për pritësit, Sigurimi për përgjegjësinë e pritësit dhe Sigurimi për përgjegjësinë gjatë përvojave nuk i mbulojnë pritësit që ofrojnë qëndrime ose përvoja në Japoni, ku janë të vlefshme Sigurimi për pritësit në Japoni dhe Sigurimi për mbrojtjen gjatë përvojave në Japoni, ose pritësit që ofrojnë qëndrime përmes Airbnb Travel LLC. Për pritësit që ofrojnë qëndrime ose përvoja në Kinën kontinentale, zbatohet Plani për mbrojtjen e pritësve në Kinë. Ki parasysh se të gjitha shumat limit të mbulimit jepen në USD.

Sigurimi për përgjegjësinë e pritësit dhe Sigurimi për përgjegjësinë gjatë përvojave nënshkruhen nga siguruesit e palëve të treta. Nëse pret vizitorë në Mbretërinë e Bashkuar, rregulloret e Sigurimit për përgjegjësinë e pritësit dhe të Sigurimit për përgjegjësinë gjatë përvojave nënshkruhen nga Zurich Insurance Company Ltd. dhe dakordësohen e lidhen pa asnjë kosto shtesë për pritësit në Mbretërinë e Bashkuar nga Airbnb UK Services Limited, një përfaqësues i Aon UK Limited, si dhe autorizohen dhe rregullohen nga Autoriteti i Kontrollit Financiar (Financial Conduct Authority). Numri i regjistrit të FCA-së për Aon është 310451. Këtë numër mund ta kontrollosh duke vizituar Regjistrin e Shërbimeve Financiare ose duke kontaktuar FCA-në në numrin 0800 111 6768. Rregullorja e përgjegjësisë së pritësit dhe ajo e përgjegjësisë gjatë përvojave në kuadër të AirCover për pritësit rregullohen nga Autoriteti i Kontrollit Financiar (Financial Conduct Authority). Produktet dhe shërbimet e mbetura nuk janë produkte të rregulluara nga Airbnb UK Services Limited. FPAFF405LC

Mbrojtja e pritësit nga dëmtimet nuk është një sigurim dhe nuk ka lidhje me Sigurimin për përgjegjësinë e pritësit. Sipas Mbrojtjes së pritësit nga dëmtimet, ti dëmshpërblehesh për dëme të caktuara që vizitorët i shkaktojnë banesës dhe sendeve të tua personale, nëse ata nuk paguajnë për këto dëme. Për listimet në shtetin e Uashingtonit, detyrimet kontraktuale të Airbnb për Mbrojtjen e pritësit nga dëmtimet mbulohen nga një policë sigurimi e blerë nga Airbnb. Për pritësit me banim ose seli jashtë Australisë, zbatohen këto Kushte të mbrojtjes së pritësit nga dëmtimet. Për pritësit me banim ose seli brenda Australisë, Mbrojtja e pritësit nga dëmtimet është subjekt i Kushteve të mbrojtjes së pritësit nga dëmtimet për përdoruesit australianë.