Këshilla nga superpritësit për pritjen e vizitorëve LGBTQ+

Çdo muaj ndajmë përditësimet më të fundit nga Bordi këshillimor i pritësve dhe prezantojmë anëtarët e tij që të mund t'i njohësh.

Përshëndetje të gjithëve,

Jam Peter Kwan, superpritës në San Francisko dhe anëtar i Bordit këshillimor të pritësve. Që kur u bëra pritës thuajse 10 vjet më parë, e kam mbështetur komunitetin e pritësve, duke përfshirë grupe që shpesh neglizhohen në shoqëri, si të moshuarit dhe anëtarët e komunitetit LGBTQ+.

Në nder të krenarisë LGBTQ+, në fillim të muajit mora pjesë në eventin “Mundësuar nga pritësit (queer)” të Airbnb. Patëm një diskutim intensiv me një grup pritësish drejtues "queer" për mënyrën se si ne si pritës LGBTQ+ kontribuojmë në suksesin e Airbnb për ta bërë përkatësinë realitet.

Më poshtë mund të mësosh për mënyrën se si t'i ndihmosh vizitorët LGBTQ+ të ndihen më të sigurt në hapësirën tënde dhe për atë që kam fituar nga përfshirja në komunitetin tim lokal të pritësve.

Unë i inkurajoj pritësit që të specifikojnë në përshkrimin e listimit të tyre, në mënyrën që ata duan, se banesa e tyre është një hapësirë e sigurt për vizitorët LGBTQ+. Në San Francisko është fare normale që çifte të të njëjtit seks të ecin rrugëve për dore. Por për shumë vizitorë që vijnë nga vende me norma ose rregulla ndryshe, prezantimi i këtij konteksti lokal mund të jetë diçka qetësuese.

Nëse një pritës mund t'ua bëjë të ditur vizitorëve që jo vetëm që po vijnë në një qytet të sigurt, por edhe në një banesë të sigurt, kjo mund të bëjë një ndryshim të madh për qetësinë mendore të vizitorit. Vizitorët duhet të dinë që para se t'i bien ziles së derës, se do të priten krahëhapur me partnerin e tyre të të njëjtit seks, në përputhje me misionin e Airbnb për t'i ndihmuar njerëzit “t'i përkasin çdo vendi".

Njoh pritës LGBTQ+ në San Francisko që kanë një fotografi në listimin e tyre me flamur me ylber në një qoshe dhe përshkrimi i tyre flet për identitetin e tyre dhe llojin e aktivizmit në të cilin janë përfshirë.

Mund të bësh edhe gjëra strategjike për t'i bërë vizitorët LGBTQ+ të ndihen më rehat sapo të mbërrijnë, siç është ofrimi i guidave "queer" nëpër qytet dhe librave rreth historisë së LGBTQ+. Ky gjest bën një ndryshim të madh dhe i bën vizitorët të ndihen të mirëpritur.

Pasi u bëra pritës, kuptova se nuk kishte shumë vende për të gjetur përgjigje për të gjitha pyetjet e mia.

Në vitin 2012 hapa një grup për asistencën e komunitetit të pritësve dhe që atëherë jemi takuar çdo muaj.

Pritja e vizitorëve mund të jetë një veprimtari shumë e vetmuar, ndaj këshilla ime për pritësit e rinj është që t'i bashkohen një Klubi lokal pritësish ose të krijojnë një të tillë nëse nuk ekziston ende. Në vend që të mësosh se si të bëhesh pritës i shkëlqyer përmes përpjekjesh e gabimesh, mund të mësosh nga përvojat e njerëzve të tjerë dhe të krijosh miqësi të shkëlqyera.

Është vërtet kënaqësi t'i ndihmosh pritësit e tjerë, si kur u mëson parimet bazë të pritjes së vizitorëve, si p.sh. si të lëvizësh nëpër platformë, ashtu edhe kur fton anëtarët e ekipit të Airbnb të shpjegojnë produktet e reja dhe të sqarojnë ndryshimet rregullatore në takimet tona të Klubit të pritësve.

Të moshuarit nuk janë zakonisht një grup i profilit të lartë kur bëhet fjalë për përfshirjen dhe diversitetin në komunitetin e pritësve dhe e meritojnë vërtet vëmendjen tonë.

Mësova se në Airbnb, të moshuarit janë një nga grupet e pritësve të rinj në SHBA me rritjen më të shpejtë dhe gratë e moshuara në SHBA marrin vazhdimisht recensionet më të mira.*

Një nga gjërat që dua të bëj si anëtar i Bordit këshillimor të pritësve është të rris profilin e të moshuarve dhe të sigurohem që Airbnb të mendojë për ne kur punon për një produkt.

Një nga gëzimet e mia më të mëdha të kohëve të fundit është një nëngrup që kam krijuar për pritësit e moshuar, që quhet "Golden Hosts". Unë jam anëtar me kartë i Shoqatës Amerikane të Pensionistëve (AARP) e për sa kohë që kualifikohesh për të qenë anëtar i AARP, mund të bëhesh pjesë edhe e Golden Hosts.

Grupi i Golden Hosts po rritet e madje janë disa nga anëtarët e mi të preferuar të komunitetit të pritësve këto ditë. Para COVID-it shkonim në shtëpinë e një anëtari çdo muaj për një darkë të përbashkët. Kaloni vërtet shumë mirë.

Në klub, të moshuarit mësojnë njëri-tjetrin rreth pritjes së vizitorëve. Ashtu si çdo grup tjetër, të moshuarit mund ta mësojnë shpejt teknologjinë dhe përparimet e shumta dixhitale që ndryshojnë jetën tonë, ose mund të kenë nevojë për një trajnim të fokusuar apo mbështetje efektive për këtë.

• Pjesëmarrja në turnetë globale të pritësve të Airbnb në maj dhe ndarja e më shumë informacioneve rreth përfituesve të granteve nga Fondi i komunitetit në zonat tona
• Konsulencë për nismat e diversitetit dhe përkatësisë, si Rregullorja e aksesueshmërisë
• Dhënia e përshtypjeve për Asistencën e komunitetit, si përmirësimet në Qendrën e ndihmës së Airbnb

Mëso më shumë se çfarë ka bërë Bordi këshillimor i pritësve dhe ndiq përditësimet mujore dhe sugjerimet nga anëtarët e bordit.

*Sipas raportit të Airbnb “Komuniteti gjithnjë në rritje i Airbnb me mbi 60 gra pritëse”