Sugjerime për ta bërë më të thjeshtë pritjen e vizitorëve gjatë sezonit të ngarkuar

Quhet sezoni i ngarkuar për një arsye: Një kalendar i plotë me pak kohë midis qëndrimeve të vizitorëve mund të jetë shumë për t'u menaxhuar. Provo këto sugjerime për të pasur një mikpritje të shkëlqyer gjatë periudhave të pikut.

Ndjekja e të njëjtës rutinë pas çdo çregjistrimi ndihmon në mbështetjen e sistemeve të shpejta ndërmjet qëndrimeve kur ke prenotime të njëpasnjëshme. Robin, një superpritës në Mount Barker, Australi, rekomandon përdorimin e një liste kontrollesh, pavarësisht nëse po e bën vetë pastrimin ose ke ndihmën e të tjerëve.

"Gjëja më e mirë e përdorimit të një liste kontrolli është se më mban të fokusuar dhe sigurohem që të mos anashkaloj asgjë", thotë Robin. "Është e lehtë të devijosh nga skenari kur ndodhin ndërprerje dhe kujtimi i të gjitha detajeve të vogla e bën pritjen e vizitorëve një përvojë më të mirë, si për vizitorët ashtu edhe për mua."

Këshilla të tjera për trajtimin e sistemimeve të shpejta ndërmjet qëndrimeve:

• Shto dy a tre herë më shumë shtroja. Çarçafët dhe peshqirët shtesë të mundësojnë ta sistemosh dhomën e gjumit, banjën dhe kuzhinën pa qenë nevoja të lash menjëherë rroba. Do të kesh rezervë në rast njollash që hiqen me vështirësi si grim ose yndyrë gatimi.

• Përdor mbulesa jastëkësh dhe mbrojtës jastëkësh dhe dyshekësh. Dyfishoji edhe këta artikuj për ndërrime të shpejta midis vizitorëve.

• Regjistrohu për shërbimet e dorëzimit. Rifurnizohu me artikuj pastrimi, artikuj tualeti, artikuj ushqimorë ose artikuj të tjerë që të duhen rregullisht ose ofrojua vizitorëve pa nxituar për në dyqan.

• Bej një plan të besueshëm rezervë për pastrimin, mirëmbajtjen dhe kopshtarinë. Kjo të lejon të respektosh orarin edhe kur ti dhe ekipi yt nuk jeni të disponueshëm. Nëse ndihesh i mbingarkuar, konsidero të shtosh një bashkëpritës.

Çregjistrimi duhet të kërkojë shumë pak mund nga ana jote dhe e vizitorëve. Në maj kemi prezantuar mjetet e çregjistrimit të projektuara për të ndihmuar që procesi të jetë pa probleme për të gjithë.

Veçoritë e reja përfshijnë njoftimet "push" dhe çregjistrimin me një klikim. Airbnb u dërgon vizitorëve orarin dhe udhëzimet e çregjistrimit në orën 17:00 me orën lokale një ditë para çregjistrimit. Çdo vizitor që përdor aplikacionin në një pajisje celulare, me njoftime "push" të aktivizuara, i merr këto. Ata gjithashtu mund të shtypin një buton për të të njoftuar kur të jenë larguar dhe mund të fillosh të përgatitesh për vizitorin tjetër.

Joh, një superpritëseje në Forestville, Kaliforni, i pëlqen t'i dërgojë vetë mesazhet e programuara rreth kohës së çregjistrimit, veçanërisht gjatë sezonit të ngarkuar. "U them vizitorëve se personi që kujdeset për pastrimin do të mbërrijë në orën 11:00 për të përgatitur apartamentin për vizitorët e tjerë, kështu që ata e kuptojnë pse është e rëndësishme të largohen në afatin e caktuar", thotë ajo.

Këshilla të tjera për të kursyer kohë me mjetet e çregjistrimit:

• Vendos udhëzimet bazë të çregjistrimit. Mund të krijosh shpejt udhëzime duke zgjedhur nga një listë me pesë punët më të zakonshme. Mund të shtosh detaje për secilën prej tyre. Për shembull, në seksionin "Hidh plehrat", mund t'u kërkosh vizitorëve t'i hedhin plehrat në një kosh dhe t'i riciklojnë në një tjetër.

• Përfshi kërkesa specifike për banesën tënde. Nëse shërbimet e tua përfshijnë një skarë në ambientet e jashtme, mund t'u kërkosh vizitorëve ta mbulojnë sërish pas përdorimit.

• Shto skeda çregjistrimi. Pasi të kesh vendosur udhëzimet themelore të çregjistrimit, mund të shtosh një skedë çregjistrimi në një mesazh të programuar ose një përgjigje të shpejtë që lidhet përsëri me ta. Kjo është një mënyrë e mirë për t'u dërguar rikujtesa vizitorëve që nuk po përdorin aplikacionin Airbnb me njoftime "push" të aktivizuara.

Të dhënat globale të Airbnb tregojnë se kërkimet për listime me pishina u rritën me 60% në tre muajt e parë të vitit 2023 krahasuar me ata muaj në vitin 2022. Kategoritë më të prenotuara të Airbnb ishin "Plazhe", "Pishina fantastike" dhe "Kabina".

Përditësimi i listimit tënd për të nxjerrë në pah veçoritë dhe shërbimet sezonale mund t'i ndihmojë vizitorët që kërkojnë atë që ti ofron, të gjejnë dhe të prenotojnë ambientin tënd.

"Motra ime është një dekoruese ambientesh të brendshme dhe e ndryshon pamjen e ambientit tonë sipas sezonit, duke marrë hua sende nga dyqani ynë i dhuratave të qytetit", thotë Fred, një superpritës në Placencia, Belize. "Çdo vit shtojmë një shërbim të ri, diçka të veçantë për të bërë që vizitorët e mëparshëm të kthehen. Kemi shtuar një tendë gazebo, një teleskop dhe një zonë bari mbi ujë."

Sugjerime të tjera për të nxjerrë në pah shërbimet sezonale:

• Shto fotografi me atmosferë sezonale. Në muajt më të ngrohtë, tregoji vizitorëve të mundshëm pishinën e mahnitshme, skarën në ambientet e jashtme, hamakun ose rrugën drejt plazhit. Për kohë më të ftohta, ndaj fotografitë e oxhakut, vaskës me hidromasazh ose shtegut të skijimit brenda/jashtë për te ashensorët.

• Përditëso përshkrimin e listimit. A ke shtuar shërbime në pronë kohët e fundit, si Fred dhe motra e tij? Konsideroji si të reja në përshkrimin e listimit dhe shto fotografi.

• Përditëso detajet e listimit. Kontrollo cilësimet e llogarisë, duke u siguruar që ke zgjedhur shenjën e kontrollit pranë të gjitha shërbimeve që ofron aktualisht. Shto më shumë detaje sa herë të të kërkohet ta bësh këtë gjë.

Informacioni në këtë artikull mund të ketë ndryshuar që nga publikimi.