Si ta rregullosh ambientin për t'i kënaqur vizitorët

Vizitorët e vlerësojnë një hapësirë të pastër dhe të organizuar. Pavarësisht nëse i mirëpret vizitorët në një dhomë private apo në një banesë të plotë, provo këto sugjerime nga pritësit për të hequr rrëmujën nga ambienti yt.

"Mendoj se sa më pak sende të ketë, aq më i pastër dhe i rregullt duket ambienti", thotë Kath, një pritëse në Albany, Australi. Pastërtia është e rëndësishme për vizitorët. Sipas të dhënave të Airbnb, një ambient i papastër është një nga arsyet kryesore për dhënien e një recensioni negativ.

"Reduktimi i rrëmujës dhe objekteve në sipërfaqe të sheshta është i rëndësishëm", thonë superpritësit Jay dhe Lynne në Blanco, Teksas. "Kjo e bën pastrimin shumë më të lehtë, u jep vizitorëve hapësirë për të vendosur sendet e tyre dhe i ndihmon ata të mos harrojnë gjëra, pasi do ta kenë më të lehtë t'i gjejnë duke bërë një kontroll të fundit të shpejtë para largimit".

Vizitorëve u duhen vende për të lënë rrobat, artikujt e tualetit dhe sendet e tjera personale. Mund të të duhet të heqësh gjërat e panevojshme për të liruar disa sirtarë dhe rafte. "Nëse nuk e kam përdorur apo veshur diçka për një a dy vite, e heq menjëherë", thotë Sarah, një pritëse në Sayulita, Meksikë.

Mund të duash të lirosh edhe më shumë hapësirë, veçanërisht nëse mirëpret vizitorë për periudha të gjata, si Jessica, një pritëse në Seoul, Kore e Jugut. "Jam e sigurt se ata do të kenë libra, suvenire, fotografi familjare dhe "rrëmujën" e tyre, gjëra që duan t'i mbajnë mbi komodinën pranë krevatit, mbi tavolinën e punës ose mbi ndonjë raft", thotë ajo.

Mendo cila është mënyra më e mirë për t'i shfaqur shërbimet, që vizitorët t'i gjejnë ato me lehtësi. Chantal, një pritës në Yvignac-la-Tour, Francë, ka një kabinet të dedikuar për vizitorët: "Ka gjithçka aty, nga shishet e vogla të ujit deri te letra higjienike, të gjitha të sistemuara sipas rafteve dhe kategorive në shporta të veçanta."

Pasi të organizohesh, mos harro të bësh inventarin e shtrojave dhe furnizimeve të tjera dhe të dhurosh ose të hedhësh çdo gjë që nuk është në gjendje të mirë.

Personalisht nuk më pëlqen kur kuzhina duket e sajuar me gjera të blera në tregun e sendeve të përdorura ose të sendeve të dorës së dytë të marra prej diku tjetër", thotë Alexandra, një pritëse në Linkoln, Kaliforni.

Plotëso çfarë iu duhet vërtet pritësve në kuzhinë dhe në banja, si dhe hiq gjithçka tjetër. Shumica do të vlerësojnë gjëra të tilla si një hapëse tapash shisheje dhe balsam flokësh, por nuk u duhen tre lloje për secilën.

Mund të të duket si shpërdorim i panevojshëm hedhja e gjërave të lëna nga vizitorët e mëparshëm dhe mospërdorimi i tyre për vizitorët e ardhshëm, por kjo nuk është një ide e mirë. Michelle, një pritëse në Çikago, mban vetëm ushqime dhe pije "me paketim të mbyllur si në momentin e blerjes", të tilla si "ujë në shishe, pije freskuese dhe ushqime njëpërdorimëshe".

"Çdo gjë në dhomë duhet të ketë një qëllim", thotë Kelly, një pritëse në Austin, Teksas. "Kjo nuk do të thotë se dhoma nuk duhet të jetë me stil ose të transmetojë një ndjesi bukurie, ngrohtësie dhe rehatie".

Ekuilibri i duhur ndërmjet funksionalitetit dhe rehatisë varet nga ambienti në ambient, por ja disa sugjerime për t'u marrë në konsideratë:

• Mos e personalizo shumë ambientin. Mos lër gjëra të tilla si fotografi të familjes, vizatime të fëmijëve, veshje dhe këpucë në hapësirat e vizitorëve.
• Pak stil origjinal është i mirëpritur. Punime artistike vendase në kornizë, një mobilie me një stil të çuditshëm ose një pasqyrë unike, mund ta bëjnë ambientin tënd të spikatë.
• Shto disa objekte dekorative. Gjëra të tilla si bimë dhe jastëkë, mund t'i japin ambientit tënd një ndjesi shtëpie, me kusht që të përdorën me masë dhe të sistemohen në një mënyrë të mirëmenduar.