Përdor mjetet e bashkëpritjes së vizitorëve në Airbnb

Një element kryesor i të qenit një bashkëpritës i suksesshëm me përvojë është të vendosësh se si ti dhe një pritës do ta ndani punën e menaxhimit të një listimi.

A do t'u dërgosh mesazhe vizitorëve edhe ti edhe pritësi, apo do të kujdeset vetëm njëri nga ju për këtë? Do ta menaxhosh të gjithë listimin dhe do të kontaktosh pritësin vetëm për çështje specifike, si kërkesat për rimbursim? Çfarëdo që të vendosësh, Airbnb ofron mjete për ta bërë më të lehtë bashkëpritjen e vizitorëve.

Kur një pritës të fton të jesh bashkëpritës në listimin e tij, do t'i kërkohet të zgjedhë se ku mund të kesh qasje. Mundësitë përfshijnë:

• Qasje të plotë
• Qasje në kalendar dhe kutinë e mesazheve
• Qasje vetëm në kalendar

Me qasje të plotë, ti mundesh: 

• Të krijosh një listim të ri
• Të shkëmbesh mesazhe me vizitorët dhe të marrësh njoftime
• Të përditësosh kalendarin
• Të shfaqësh historikun e transaksioneve
• Të menaxhosh një listim, duke përfshirë çmimet dhe detajet e tjera
• Të menaxhosh rezervimet, duke përfshirë pranimin dhe refuzimin e kërkesave për udhëtim, anulimet dhe kërkesat e Qendrës së zgjidhjes së problemeve
• Të dërgosh një kërkesë për rimbursim
• Të shtosh ose të heqësh bashkëpritës të tjerë, të modifikosh lejet dhe të caktosh veten ose një bashkëpritës tjetër si pritës kryesor të listimit

Ki parasysh se me qasje të plotë nuk mundesh:

• Të konfigurosh ose të modifikosh shlyerjet e pagesave të bashkëpritësve të tjerë

• Të menaxhosh kërkesat për rimbursim pasi të dërgohen  

• Të kontrollosh ose të ndryshosh mënyrën e shlyerjes së pagesës së titullarit të listimit ose të një bashkëpritësi tjetër ose informacionet e tatimpaguesit

Do të ishte mirë të krijoje një plan me pritësit, në mënyrë që të dish se kush do të jetë përgjegjës për t'iu përgjigjur vizitorëve dhe për t'u kujdesur për komunikimet e tjera. Pritësit mund të duan që ti të kujdesesh për të gjitha gjërat, ose mund të preferojnë ta ndajnë punën.

Në elementet e komunikimit që duhen marrë parasysh përfshihet:

• Dërgimin e mesazheve të përditshme, përgjigjet për pyetjet dhe ofrimin e zgjidhjeve për çdo problem që lind

• Si t'i përgjigjesh kërkesave për prenotim nëse një listim nuk e përdor funksionin "Prenoto në çast"

• Dërgimi i kërkesave për rimbursim (megjithëse vetëm pronarët e listimeve mund t'i menaxhojnë këto pasi të dërgohen)

• Kontaktimi i asistencës së komunitetit për ndihmë

• Menaxhimi i bashkëpritësve të tjerë

Sabrina, një bashkëpritëse me përvojë në Denver, Kolorado, mendon se është e dobishme që me komunikimin me vizitorët të merret vetëm një person, "në mënyrë që të ketë gjithnjë konsistencë për çështjet në lidhje me rregulloret, si zbritjet, rimbursimet dhe problemet e vizitorëve", thotë ajo.

Mund të lindin probleme nëse nuk ka një plan të qartë. "Kur kjo punë ndahet mes dy personash, gjërat mund të bëhen konfuze", thotë Dominic, një bashkëpritës me përvojë në Cornwall, Angli. "Pikërisht atëherë gjërat humbasin, pastruesit nuk janë të koordinuar, të gjitha gjëra të këtij lloji."

Pritësit mund të përdorin mjetet me zgjedhje të shlyerjes së pagesave për bashkëpritjen e vizitorëve për të ndarë me ty një përqindje ose shumë fikse për çdo prenotim në Airbnb. Ata mund të zgjedhin një nga katër mundësitë e shlyerjes së pagesave: 

• Ndaj tarifën e pastrimit 

• Ndaj tarifën e pastrimit plus një përqindje të shumës së prenotimit

• Ndaj një përqindje të çdo shlyerjeje pagese

• Ndaj një shumë fikse për çdo shlyerje pagese

Vetëm pronarët e listimeve mund të konfigurojnë shlyerjet e pagesave. Ka kufizime në ndarjen e shlyerjeve të pagesave në varësi të vendndodhjes së pritësit dhe bashkëpritësit dhe vendit ku ndodhet listimi. Mëso më shumë

Kur një pritës konfiguron një shlyerje pagese për bashkëpritjen e vizitorëve, ke 14 ditë kohë për ta konfirmuar ose për ta refuzuar atë. Në përgjithësi, do të diskutosh dhe do të pajtohesh me shumën dhe mënyrën e shlyerjes së pagesës me pritësin para se ai të dërgojë kërkesën e tij, por nëse refuzon një konfigurim të shlyerjes së pagesës, pritësi do të duhet të dërgojë një propozim të ri.

Pasi të konfirmosh një shlyerje pagese, do të fillosh të paguhesh për prenotimet rreth 24 orë pas regjistrimit. Nëse një pronar i listimit bën një përditësim në një shlyerje pagese ekzistuese, ajo do të zbatohet vetëm për prenotimet që fillojnë pasi të konfirmosh përditësimin.

Informacioni në këtë artikull mund të ketë ndryshuar që nga publikimi.