Pse një pritëse në Teksas hapi banesën e saj për një familje refugjatësh

Open Homes tani është Airbnb.org

Programi Open Homes i Airbnb është bërë Airbnb.org, një organizatë jofitimprurëse 501(c)(3) krejtësisht e re. Faleminderit që na ndihmove të krijojmë komunitetin e Open Homes. Mezi po presim të bëhesh pjesë e këtij kapitulli të ri.

Pritësit e Airbnb hapin banesat dhe ndajnë jetën e tyre me udhëtarët anembanë botës, dhe shumë prej tyre kanë shkuar përtej detyrës tipike për një pritës. Frymëzuar nga ngrohtësia dhe bujaria e komunitetit tonë, Airbnb bashkëpunoi me një numër agjencish të ndihmës për refugjatët për të ndihmuar refugjatët e shpërngulur të gjenin banesa në shkallë të gjerë.

Pritësit tanë ndihmojnë në krijimin e një bote ku gjithsecili i përket çdo vendi. Linda, një superpritëse nga Dallas, e mishëron me të vërtetë këtë mision. Kur familja e saj mori një telefonatë për pritjen e një familje refugjatësh për dy javë, ajo pranoi pa hezitim. "Ndjeva se kjo ishte mënyra për të bërë pjesën time... në një mënyrë pozitive", thotë ajo.

Kur Mohammed mbërriti me gruan dhe djalin e tij të mitur, një lidhje u krijua menjëherë mes dy familjeve. Mohammed shërbeu si administrator i rrjetit dhe përkthyes në një bazë të ushtrisë amerikane gjatë luftës në Irak dhe për shkak se me punën e tij mbështeti SHBA-në, jeta e tij ishte në rrezik.

Ajo që filloi si një marrëdhënie pritësish dhe vizitorësh lulëzoi në një miqësi jetëgjatë, duke pasur një ndikim të përhershëm në botëkuptimet e të dy familjeve.

Kur qëndrimi dyjavor përfundoi, Linda dhe familja e saj vazhduan t'i ndihmonin ata të gjenin dhe të mobilonin një apartament. Ata vendosën ta strehonin familjen për një muaj shtesë falas, ndërsa kërkonin një ambient të përshtatshëm. Gjatë atij muaji, burri i Linda-s i ndihmoi ata të negocionin një çmim më të ulët qiraje dhe me ndihmën e donacioneve nga komuniteti hebre në tempullin e saj, ata munden të mobilonin plotësisht apartamentin e tyre të ri.

Edhe pasi familja u vendos në banesën e tyre të re, bujaria vazhdoi. Përmes ndihmës së shumë miqve të tyre, ata mblodhën para të mjaftueshme për t'i blerë familjes një makinë. Dhe përsëri përmes bujarisë së Temple, djali i Mohammed u ftua të ndiqte parashkollorin. Ata organizuan një drekë në mënyrë që Mohammed dhe familja e tij, si dhe ata që i ndihmuan të sistemoheshin të mund të takoheshin me njëri-tjetrin.

Mohammed e përshkruan Linda-n si një figurë nënë dhe thotë se që kur u zhvendosën në banesën e tyre, ata e takojnë rregullisht atë dhe familjen e saj. Marrëdhënia e tyre ka kaluar nga të panjohur në një marrëdhënie familjare.

Fillimi i një jete të re është plot stres. Mohammed thotë se kurrë nuk priste të mirëpritej nga ky komunitet i vogël dhe të respektohej nga njerëz me prejardhje të ndryshme. Takimi me Linda-n dhe familjen e saj përmes Airbnb i ka bërë ata të ndihen si në shtëpi.

Bashkoju një komuniteti në rritje që është gati të ofrojë mbështetje në periudha të vështira.

Informacioni në këtë artikull mund të ketë ndryshuar që nga publikimi.