Ligjet dhe taksat vendore

Të jesh i përgatitur është thelbësore. Duam të sigurohemi që ke gjithçka që të duhet për të pasur një fillim të shkëlqyer, ku përfshihet edhe shqyrtimi i ligjeve dhe rregulloreve vendore për publikimin e ambientit tënd.

Çfarë mund të kërkojnë disa qytete

Shumë qytete kanë rregulla që zbatohen për qiradhënien e banesave dhe kode e dekrete specifike që mund të vlejnë në shumë sfera (të tilla si zonifikimi, ndërtimi, licencimi ose kodet tatimore).

Në disa vende, mund të duhet të regjistrohesh, të marrësh një leje ose një licencë para se të publikosh pronën apo të pranosh vizitorë. Mund të jesh përgjegjës edhe për mbledhjen dhe pagimin e taksave të caktuara.

Përgjegjësia jote si pritës

Je përgjegjës për vendin, kohën dhe mënyrën se si pret vizitorë, prandaj duam që të njohësh ligjet dhe taksat vendore. Mund të kontaktosh autoritetet lokale për çdo pyetje.

Për të filluar, ofrojmë materiale burimore të dobishme rreth pritjes me përgjegjësi të vizitorëve.

Të kërkojmë të mësosh rreth ligjeve dhe rregulloreve në zonën tënde dhe të lexosh Rregulloren e mosdiskriminimit para se të publikosh ambientin tënd. Kur pranon Kushtet e shërbimit dhe publikon ambientin tënd, konfirmon që do të ndjekësh ligjet dhe rregulloret në fuqi.

Nëse je pritës në Francë, konfirmon që do zbatosh ligjet në fuqi dhe çdo marrëveshje me palë të treta (p.sh.: kontrata qiraje).