Çfarë pritet nga pritësit dhe qëndrimet e tyre

Çdo pritës duhet të përmbushë këto standarde bazë në mënyrë që vizitorët e tij të kenë një përvojë të rehatshme dhe të besueshme.

• Gatishmëri për të komunikuar: Pritësit duhet të jenë aktivë dhe të gatshëm për t'iu përgjigjur pyetjeve të vizitorëve apo të Airbnb brenda një kohe të arsyeshme dhe të ndjekin çdo hap të nevojshëm nga Airbnb për të zgjidhur problemet.
• Listime të sakta: Prona, vendndodhja, lloji i listimit, nivelet e privatësisë dhe shërbimet e një pritësi duhet të pasqyrojnë me saktësi atë që është shkruar në përshkrimin e listimit në momentin e prenotimit. Pritësit mund t'i modifikojnë detajet e një prenotimi të pranuar prej tyre, vetëm pasi vizitorët të kenë dhënë pëlqimin për këtë gjë.
• Qëndrime të sigurta: Pritësit janë përgjegjës që ta mbajnë listimin të sigurt. Çelësat ose kodet e hyrjes duhet të sigurohen për të gjitha pikat kryesore të hyrjes.
• Të dhëna të sakta për regjistrimin: Pritësit duhet t'u japin vizitorëve informacionin e duhur të regjistrimit për qëndrimin e tyre (p.sh.: kodet e duhura të hyrjes, udhëzime të qarta). Pritësit që planifikojnë t'i takojnë vizitorët gjatë regjistrimit duhet të sigurohen që të jenë aty në orarin e caktuar. Kutitë e çelësave me kod ose kodet e hyrjes duhet të jenë të sigurta (p.sh.: ndrysho kodet midis rezervimeve).
• Ambiente të pastra qëndrimi: Prona e një pritësi duhet të mos ketë rreziqe të njohura shëndetësore (p.sh.: myk, parazitë, insekte), të ketë një standard të lartë pastërtie dhe të pastrohet midis qëndrimeve.
• Qëndrime të sigurta: Pritësit janë përgjegjës për mirëmbajtjen e një listimi pa rreziqe sigurie (p.sh. dalje të bllokuara të zjarrit, rreziqe të goditjes elektrike, helm minjsh). Rreziqet që lidhen me listimin (p.sh., lartësitë e mëdha, zonat ujore) duhet të deklarohen në përshkrimin e listimit. Përveç kësaj, pritësti duhet të ndjekin të gjitha ligjet dhe rregulloret në fuqi (p.sh., listimi duhet të plotësojë kërkesat e zbatueshme të kodit për zjarret). Mëso më shumë rreth informacionit të sigurisë së listimeve.
• Autorizimi: Airbnb kërkon që të gjithë pritësit të autorizohen për të pritur vizitorë dhe t'i respektojnë të gjitha ligjet në fuqi. Shfrytëzimi i një pale të tretë për të prenotuar një hotel ose akomodim të palëve të treta dhe publikimi i tyre në Airbnb nuk lejohet. Pritësit duhet t'u përmbahen rregullave specifike për bashkëpronësinë ose lloje të ngjashme akomodimi kur të vendosin nëse do t'i publikojnë këto lloje akomodimesh në Airbnb.
• Mirëqenia e kafshëve: Qëndrimet ose përvojat që shfrytëzojnë kafshët nuk kanë vend në komunitetin tonë (p.sh.: kopshtet zoologjike në anë të rrugës, përvojat me gjueti trofesh). Pritësit duhet të ndjekin udhëzimet e Airbnb për mirëqenien e kafshëve. Mëso më shumë rreth rregullave bazë për pritësit.

Mëso më shumë rreth rregullave bazë për pritësit.

Jemi këtu për të ndihmuar

Përveç kësaj, nëse ke dëshmuar apo provuar një sjellje që bie ndesh me rregulloret tona, na njofto.