Paneli i fitimeve ofron informacione të reja të vlefshme

Duke i kuptuar fitimet e tua, mund të drejtosh një biznes më të suksesshëm të pritjes së vizitorëve. Prandaj po i shtojmë këto veçori në panelin e fitimeve, të frymëzuara nga përshtypjet e pritësve.

• Raportet e personalizuara: Krijo raporte fitimesh për çdo listim dhe interval datash që zgjedh.
• Filtrimi sipas llojit të fitimeve: Shfaq fitimet e tua sipas qëndrimeve, krediteve, zhdëmtimeve e të tjera.
• Skedat e fitimeve: Do të të njoftojmë kur pagesat të jenë dërguar.

Ja se si t'i përdorësh veçoritë që do të gjesh në panelin e fitimeve, duke filluar me të rejat.

Krijo raporte të personalizuara për çdo listim dhe interval datash që zgjedh. Airbnb ende gjeneron pasqyra mujore dhe vjetore për ty që nga muaji kur ke filluar të presësh vizitorë.

Çdo raport ofron një zbërthim të fitimeve bruto, zbritjeve dhe pagesës totale neto. Ke gjithashtu mundësi të përfshish:

• Mënyrat e shlyerjes së pagesës që tregojnë totalin e fitimeve për çdo llogari të shlyerjes së pagesës
• Statistikat e performancës që tregojnë netët e prenotuara dhe kohëzgjatjen mesatare të qëndrimit

Pasi të kesh zgjedhur se çfarë të përfshish, mund të shkarkosh ose të dërgosh me email një PDF të raportit për të dhënat e tua.

Filtro fitimet e tua sipas llojit kur kontrollon transaksione të ardhshme ose të paguara. Llojet përfshijnë:

• Qëndrimet
• Përvojat
• Kreditet
• Zhdëmtimet

Transaksionet t'i filtrosh gjithashtu sipas datës, listimit dhe mënyrës së shlyerjes së pagesës.

Kur një pagesë është dërguar, në panelin e fitimeve do të shfaqet një skedë fitimi. Aty shfaqet:

• Mënyra e shlyerjes së pagesës
• Shuma e transaksionit
• Koha e vlerësuar e përpunimit

Hap transaksionin për të shfaqur më shumë detaje.

Grafiku i fitimeve në krye të panelit të veprimeve tregon:

• Sa ke fituar në secilin nga gjashtë muajt e mëparshëm
• Sa ke fituar deri më tani për këtë muaj
• Sa parashikohet të fitosh në secilin nga pesë muajt e ardhshëm në bazë të prenotimeve të ardhshme

Zgjero grafikun për të shfaqur fitimet e tua sipas muajve ose viteve dhe përdor filtrin për t'i shfaqur sipas listimeve.

Poshtë grafikut interaktiv të fitimeve, statistikat e performancës tregojnë totalin e netëve të prenotuara dhe kohëzgjatjen mesatare të qëndrimit.

Përmbledhja e fitimeve nxjerr në pah fitimet bruto, zbritjet dhe pagesën totale neto që nga data 1 janar e këtij viti.

Ikona e ingranazhit në pjesën e sipërme djathtas panelit të fitimeve të jep qasje te:

• Mënyrat e shlyerjes së pagesës dhe rregullat e kanalizimit të pagesave
• Detajet e tatimpaguesit dhe dokumentet tatimore
• Raportet e fitimeve për çdo listim dhe interval datash
• Donacionet e përsëritura të Airbnb.org si përqindje e çdo shlyerjeje pagese për të mbështetur njerëzit në kohë krizash

Merr qasje të hershme sot për të provuar veçoritë e reja të panelit të fitimeve.

Përvoja e përdoruesit mund të ndryshojë sipas vendndodhjes.

Informacioni në këtë artikull mund të ketë ndryshuar që nga publikimi.