Gjej bashkëpritësin e duhur në Airbnb

Tani mund të gjesh dhe të punësosh direkt nga aplikacioni një bashkëpritës për t'u kujdesur për banesën dhe vizitorët e tu.

Rrjeti i bashkëpritësve të lidh me bashkëpritës vendas që ofrojnë asistencë në bazë të nevojave të tua. Zgjidh nga një listë partnerësh të mundshëm, zbulo përvojën e tyre, fillo të bashkëpunosh me ta dhe ndaj shlyerjet e pagesave.

Mund të punësosh një bashkëpritës nëse je pritës i ardhshëm, i ri ose me përvojë. Kërkoji një bashkëpritësi të merret me detyra specifike, ose të presë vizitorë për ty. Shërbimet e tyre mund të përfshijnë:

• Konfigurimin e listimit
• Konfigurimin e çmimeve dhe disponueshmërisë
• Menaxhimin e kërkesës për prenotim
• Shkëmbimin e mesazheve me vizitorin
• Asistencë për vizitorët në vend
• Pastrimin dhe mirëmbajtjen
• Fotografimin e listimit
• Arredimimin dhe stilizimin e ambientit
• Licencimin dhe lejet e pritjes së vizitorëve

Bashkëpritësit mund të shtojnë shërbime të tjera, si peizazhin, analizën e biznesit dhe trajnimin për mikpritjen. Do të gjesh detaje rreth shërbimeve që ofron një bashkëpritës në profilin e tij.

Bashkëpritësit në rrjet janë disa nga pritësit tanë më të mirë. Mesatarisht, bashkëpritësit kanë një vlerësim të përgjithshëm prej 4,86 yjesh nga vizitorët dhe katër vjet përvojë në Airbnb. Sot, 73% janë superpritës dhe 84% presin vizitorë për të paktën një listim që është "Zgjedhje e vizitorëve".

Aktualisht, rrjeti i bashkëpritësve është i disponueshëm në Australi, Brazil, Kanada, Francë, Gjermani, Itali, Meksikë, Spanjë, Mbretëri e Bashkuar dhe SHBA. Rrjeti do të zgjerohet në më shumë vende në vitin 2025.

Përdor rrjetin e bashkëpritësve për të kërkuar dhe për t'u lidhur me dikë që ofron shërbimet që të duhen.

Gjej një bashkëpritës:

• Vendos adresën e banesës sate për të kërkuar në rrjet dikë aty pranë. Do të shfaqen profilet e bashkëpritësve vendas, të renditura sipas faktorëve si vendndodhja, angazhimi dhe cilësia.
• Zgjidh profilin e një bashkëpritësi për të mësuar më shumë rreth tij, përvojës së tij, recensioneve të kaluara, listimeve ku pret vizitorë, çmimeve dhe detajeve të tjera.
• Shkruaji një mesazh secilit nga bashkëpritësit e preferuar që ke zgjedhur. Prezantohu dhe na thuaj diçka rreth nevojave që ke.
• Konsidero të bësh pyetje të tjera dhe të diskutosh pritshmëritë e tua për pritjen e vizitorëve

Punëso një bashkëpritës:

• Vendos se kë dëshiron si bashkëpritës dhe merr parasysh t'i parashtrosh detajet e partneritetit tënd në një marrëveshje zyrtare.
• Shko te listimi yt në Airbnb. Dërgoji partnerit tënd të ri një ftesë për të bashkëpritur vizitorë dhe konfiguro lejet e tij për listimin tënd. Do të ketë dy javë kohë për ta pranuar.
• Zgjidh të ndash një pjesë të shlyerjes së pagesës për çdo prenotim përmes Airbnb.*

Të gjitha mjetet e nevojshme për të bashkëpunuar me një bashkëpritës i gjen në aplikacion. Ke mundësinë që:

• T'i dërgosh mesazh direkt një bashkëpritësi.
• Ta ftosh atë të presë vizitorë në listimin tënd.
• Të caktosh lejet e tij për menaxhimin e listimit tënd.
• Të ndash shlyerjet e pagesave të prenotimeve me bashkëpritësin tënd.*

Mëso se si të bëhesh bashkëpritës

*Aplikohen disa kufizime, në varësi të vendndodhjes së pritësit, bashkëpritësit dhe listimit.

Rrjeti i bashkëpritësve është i disponueshëm në Francë, Spanjë, Itali, Gjermani, Mbretërinë e Bashkuar, Australi, Meksikë (mundësuar nga Airbnb Global Services Limited), Kanada, Shtetet e Bashkuara (mundësuar nga Airbnb Living LLC) dhe Brazil (mundësuar nga Airbnb Plataforma Digital Ltda).

Pritësit në rrjetin e bashkëpritësve zakonisht kanë vlerësime të larta, norma të ulëta anulimi dhe kanë krijuar një përvojë pritjeje vizitorësh në Airbnb. Vlerësimet bazohen në recensionet e vizitorëve për listimet ku janë pritës ose bashkëpritës dhe mund të mos përfaqësojnë shërbimet unike të bashkëpritësit.

Informacioni në këtë artikull mund të ketë ndryshuar që nga publikimi.