Ndihmo pritësit e tjerë dhe fito sipas kushteve të tua

Bashkëpritësit janë pritës vendas me përvojë që ofrojnë asistencë të personalizuar për pritjen e vizitorëve. Bashkëpritësit zgjedhin se çfarë shërbimesh të ofrojnë dhe se sa të tarifojnë. Bëhu një bashkëpritës dhe fito më shumë duke përdorur aftësitë që ke zhvilluar tashmë duke pritur vizitorë.

Kërko t'i bashkohesh platformës së shërbimeve të bashkëpritësve. Nëse kualifikohesh, do të të kërkohet të krijosh një profil shërbimi kur të regjistrohesh. Profili yt është mundësia që të reklamosh veten dhe të tregosh atë që të bën një bashkëpritës të aftë. Pritësit që kërkojnë ndihmë në zonën tënde mund të mësojnë më shumë rreth teje, të bëjnë pyetje dhe të kërkojnë shërbimet e tua.  

Kur shton shërbime në profilin tënd, mund të shkruash detaje për atë që bën. Shërbimet e bashkëpritjes së vizitorëve përfshijnë:

• Konfigurimin e listimit
• Konfigurimin e çmimeve dhe disponueshmërisë
• Menaxhimin e kërkesës për prenotim
• Shkëmbimin e mesazheve me vizitorin
• Asistencë për vizitorët në vend
• Pastrimin dhe mirëmbajtjen
• Fotografimin e listimit
• Arredimimin dhe stilizimin e ambientit
• Licensimin dhe lejet e pritjes së vizitorëve

Si bashkëpritës, ti punon në mënyrë të pavarur sipas ritmit tënd. Do të kesh qasje në mjete që të lejojnë të shkëmbesh mesazhe me pritësit, të ndihmosh në fillimin dhe mirëmbajtjen e listimeve dhe të marrësh një pjesë të shlyerjes së pagesës së një prenotimi.*

Platforma e shërbimeve të bashkëpritësve është e disponueshme në Australi, Brazil, Kanada, Francë, Gjermani, Itali, Meksikë, Spanjë, Mbretëri e Bashkuar dhe SHBA. Nëse jeton diku tjetër, na thuaj se do të doje të bëheshe bashkëpritës dhe do të të kontaktojmë nëse zgjerohemi në zonën tënde. 

Duhet të përmbushësh kërkesat e mëposhtme për t'iu bashkuar platformës:

• Ke pritur vizitorë për 10 ose më shumë qëndrime si pritës ose bashkëpritës në Airbnb në 12 muajt e fundit dhe ke një reputacion të mirë.
• Ke ruajtur një vlerësim mesatar nga vizitorët prej 4,8 yjesh e lart në të gjitha llogaritë dhe listimet gjatë asaj kohe.
• Norma jote e anulimit është më pak se 3%, me përjashtime të bëra për disa arsye të vlefshme që janë jashtë kontrollit tënd.

Është përgjegjësia jote të dish se çfarë rregulloresh aplikohen për ty dhe të kesh licensat, lejet ose regjistrimet e nevojshme për të ofruar shërbimet e tua si bashkëpritës në zonën tënde. Për shembull, mund të kërkohet një ndërmjetës i pasurive të paluajtshme ose një licensë ekuivalente në varësi të llojit të shërbimeve që ofron dhe ku i ofron ato. Mëso më shumë rreth Kushteve të shërbimit.

Gati për të filluar?

Ky është një shërbim platforme, i mundësuar nga Airbnb Living LLC, Airbnb Global Services Limited dhe Airbnb Plataforma Digital Ltda.

*Pritësit mund të zgjedhin të përdorin mjetet e bashkëpritësit të Airbnb, të cilat përfshijnë mundësinë për të ndarë një pjesë të shlyerjes së pagesës së çdo prenotimi me një bashkëpritës përmes Airbnb. Ka kufizime në ndarjen e shlyerjeve të pagesave në Airbnb në varësi të vendndodhjes së pritësit dhe bashkëpritësit, ose të vendit ku ndodhet listimi. Mëso më shumë

Informacioni në këtë artikull mund të ketë ndryshuar që nga publikimi.