Si funksionon AirCover për pritësit

AirCover për pritësit ofron mbrojtje nga A-ja te ZH-ja sa herë që i mirëpret vizitorët. Përfshin verifikimin e identitetit të vizitorit, shqyrtimin e rezervimit, Sigurimin për përgjegjësinë e pritësit deri në 1 milion dollarë dhe Mbrojtjen nga dëmtimet deri në 3 milionë dollarë, me mbrojtje për sendet e tua me vlerë, makinat e parkuara dhe varkat në pronën tënde.

Besimi është baza e komunitetit tonë. Kjo është arsyeja pse të gjithë vizitorët që prenotojnë duhet të përfundojnë procesin tonë të verifikimit të identitetit. Kur verifikojmë identitetin e një vizitori, verifikojmë informacione të caktuara personale, të tilla si emri i tij ligjor, adresa, numri i telefonit ose detaje të tjera kontakti.

Pasi një vizitor të jetë verifikuar, ai do të marrë një distinktiv të verifikuar për identitetin. Ai shfaqet në të gjithë Airbnb si një distinktiv i kuq me një shenjë kontrolli pranë fotografisë së profilit të tyre. Përveç kësaj, mund të kryejmë kontrolle të aktivitetit penal të vizitorëve me banim në SHBA.

Lexo për më shumë detaje rreth verifikimit të identitetit të vizitorit

Rregullorja e shqetësimit të komunitetit i ndalon festat e paautorizuara dhe shqetësuese. Ne përdorim teknologjinë e shqyrtimit të rezervimeve për të ndihmuar në zbatimin e asaj rregulloreje dhe për të zvogëluar mundësinë e festave të rrëmujshme.

Sistemi shqyrton një sërë faktorësh, duke përfshirë llojin e listimit që po prenotohet, kohëzgjatjen e qëndrimit, distancën nga vendndodhja e vizitorit dhe nëse prenotimi është i minutës së fundit, mes shumë sinjaleve të tjera për të përcaktuar nëse prenotimi duhet të bllokohet.

Mëso më shumë detaje rreth teknologjisë së shqyrtimit të rezervimeve

Për më shumë se një dekadë, Airbnb u ka ofruar pritësve të saj mbrojtje nga dëmtimet, më e mira në këtë industri. Mbrojtja e pritësit nga dëmtimet, si pjesë e AirCover për pritësit, përfshin këto mbrojtje nëse një vizitor nuk paguan për dëmet që i shkakton banesës ose sendeve të tua personale gjatë qëndrimit në ambientin tënd:

• 3 milionë dollarë për mbrojtjen nga dëmtimet: Kjo përfshin jo vetëm banesën tënde, por edhe orenditë brenda saj.
• Mbrojtja e veprave të artit dhe sendeve me vlerë: Ne mbrojmë veprat e artit, bizhuteritë dhe koleksionet, të cilat mund të rimbursohen nëse dëmtohen.
• Mbrojtja për automjetet dhe varkat: Ne ofrojmë mbrojtje për dëmtimin e makinave, varkave dhe mjeteve të tjera ujore që parkon ose ruan në pronën tënde.
• Zhdëmtim për kafshët: Paguajmë ne për dëmet e shkaktuara nga vizitorët me katër këmbë.
• Pastrimi i thelluar: Ne i rimbursojmë shërbimet shtesë të pastrimit, të nevojshme për të hequr njollat dhe aromat e tymit.
• Zhdëmtim për të ardhurat: Ne të rimbursojmë për të ardhurat e humbura, nëse anulon prenotime të konfirmuara në Airbnb për shkak të dëmtimeve nga vizitorët.
• Linjë sigurie 24-orëshe: Nëse ndodh të ndiesh pasiguri, aplikacioni ynë ofron qasje me një klikim tek agjentët e sigurisë të trajnuar posaçërisht, ditën dhe natën.

Nëse një vizitor dëmton ambientin ose sendet e tua personale, ti (ose një bashkëpritës me leje me qasje të plotë që vepron në emrin tënd) mund të vizitoni Qendrën e zgjidhjes së problemeve për të dërguar një kërkesë për rimbursim me vetëm disa hapa dhe më pas të ndjekësh me lehtësi procesin nga dërgimi deri te shlyerja e pagesës. Kërkesa jote do t'i dërgohet fillimisht vizitorit. Nëse vizitori nuk përgjigjet ose nuk paguan brenda 24 orësh, mund të përfshish Airbnb. Superpritësit (me listime jashtë shtetit të Uashingtonit në SHBA) përfitojnë një linjë me përparësi dhe rimbursime më të shpejta.

Sigurimi për përgjegjësinë e pritësit, pjesë e AirCover për pritësit, të mbron në rastet e rralla kur një vizitor lëndohet ose sendet e veta personale dëmtohen ose vidhen gjatë qëndrimit në ambientin tënd. Ky mbulim përfshin edhe personat që të ndihmojnë me pritjen e vizitorëve, si bashkëpritësit dhe pastruesit.

Sigurimi për përgjegjësinë e pritësit të mbulon nëse konsiderohesh ligjërisht përgjegjës për:

• Lëndimin trupor të një vizitori (ose të të tjerëve)
• Dëmtimin ose vjedhjen e sendeve personale të një vizitori (ose të të tjerëve)
• Dëmet e shkaktuara nga një vizitor (ose të tjerë) në ambientet e përbashkëta, si sallat e ndërtesës dhe pronat në afërsi

Nëse të duhet të paraqesësh një kërkesë për dëmshpërblim, mjafton të përdorësh formularin e marrjes së sigurimit për përgjegjësinë. Informacionin që na jep, do t'ia kalojmë siguruesit tonë të besuar të palës së tretë, i cili do t'ia caktojë kërkesën tënde për dëmshpërblim një përfaqësuesi. Ky përfaqësues do ta zgjidhë kërkesën tënde për dëmshpërblim sipas kushteve të policës së sigurimit.

Nëse je pritës përvojash, mbulohesh nga Sigurimi për përgjegjësinë gjatë përvojave.

Merr më shumë detaje rreth Sigurimit për përgjegjësinë e pritësit

Mbrojtja e pritësit nga dëmtimet në kuadër të AirCover për pritësit, Sigurimi për përgjegjësinë e pritësit dhe Sigurimi për përgjegjësinë gjatë përvojave nuk i mbulojnë pritësit që ofrojnë qëndrime dhe përvoja në Japoni, ku janë të vlefshme Sigurimi për pritësit në Japoni dhe Sigurimi për pritësit gjatë përvojave në Japoni ose pritësit që ofrojnë qëndrime përmes Airbnb Travel LLC. Për pritësit që kanë ofruar qëndrime ose përvoja në Kinën kontinentale, është i vlefshëm Plani për mbrojtjen e pritësve në Kinë. Ki parasysh se të gjitha shumat limit të mbulimit jepen në USD.

Sigurimi për përgjegjësinë e pritësit dhe Sigurimi për përgjegjësinë gjatë përvojave nënshkruhen nga sigurues të palëve të treta. Nëse ofron qëndrime në Mbretërinë e Bashkuar, rregulloret e Sigurimit për përgjegjësinë e pritësit dhe të Sigurimit për përgjegjësinë gjatë përvojave nënshkruhen nga Zurich Insurance Company Ltd. dhe dakordësohen e lidhen pa asnjë kosto shtesë për pritësit në Mbretërinë e Bashkuar nga Airbnb UK Services Limited, një përfaqësues i Aon UK Limited, si dhe autorizohen dhe rregullohen nga Autoriteti i Kontrollit Financiar (Financial Conduct Authority). Numri i regjistrit të FCA-së për Aon është 310451. Këtë numër mund ta kontrollosh duke vizituar Regjistrin e Shërbimeve Financiare ose duke kontaktuar FCA-në në numrin 0800 111 6768. Rregullorja e përgjegjësisë së pritësit dhe ajo e përgjegjësisë gjatë përvojave të ofruara brenda Aircover për pritësit rregullohen nga Autoriteti i Kontrollit Financiar, produktet dhe shërbimet e mbetura nuk janë produkte të rregulluara nga Airbnb UK Services Limited. FPAFF609LC

Në BE, këto rregullore janë rregulluar dhe përfunduar pa asnjë kosto shtesë për përfitimin e pritësve të BE-së nga Airbnb Marketing Services SLU, një bashkëpunëtor i jashtëm i Aon Iberia Correduría de Seguros y Reaseguros, SAU, i cili autorizohet dhe rregullohet nga Autoridad de Control de la Dirección General de Seguros y Fondos de Pensiones, i regjistruar me numrin serial të J0170. 

Aon Iberia Correduría de Seguros y Reaseguros SAU vepron si ndërmjetës për BE-në, duke marrë pjesë në shpërndarjen e sigurimeve në vendet e BE-së nën regjimin e lirisë së shërbimeve për të ofruar shërbime sipas Ligjit spanjoll për shpërndarjen e sigurimeve, Direktivës për shpërndarjen e sigurimeve dhe dispozitave të tjera ligjore ose rregullatore. Pa cenuar autoritetin e vendit pritës ku ofrohen shërbimet e shpërndarjes së sigurimeve, shteti anëtar përgjegjës për mbikëqyrjen e Aon është Mbretëria e Spanjës dhe Autoriteti Mbikëqyrës, Drejtoria e Përgjithshme e Sigurimeve dhe Fondeve të Pensioneve, në Paseo de la Castellana 44, 28046 – Madrid.

Mbrojtja e pritësit nga dëmtimet nuk është sigurim dhe nuk ka lidhje me Sigurimin për përgjegjësinë e pritësit. Për listimet në shtetin e Uashingtonit, detyrimet kontraktuale të Airbnb për Mbrojtjen e pritësit nga dëmtimet mbulohen nga një policë sigurimi e blerë nga Airbnb. Për pritësit me banim ose seli jashtë Australisë, zbatohen këto Kushte të mbrojtjes së pritësit nga dëmtimet. Për pritësit me banim ose seli brenda Australisë, Mbrojtja e pritësit nga dëmtimet është subjekt i Kushteve të mbrojtjes së pritësit nga dëmtimet për përdoruesit australianë.

Informacioni në këtë artikull mund të ketë ndryshuar që nga publikimi.