Si të veprosh në rastin e një recensioni negativ

Recensionet e këqija mund të jenë të pakëndshme, por edhe pritësit më të vlerësuar i marrin ato herë pas here. Ja disa sugjerime se si të sillesh kur merr përshtypje negative nga vizitorët.

Duke iu përgjigjur recensioneve, u tregon vizitorëve se je i hapur ndaj sugjerimeve. "Nuk pres që pritësit të kenë recensione 100% pa të meta", thotë Andrew, një vizitor që është gjithashtu superpritës në Berlin. "Më bëjnë më shumë përshtypje ata që i marrin seriozisht përshtypjet kritike."

Merr në konsideratë këto këshilla kur i përgjigjesh recensioneve negative:

• Lër një përgjigje publike. Një përgjigje e shkurtër dhe miqësore mund t'i sigurojë vizitorët e tjerë se interesohesh për përvojat e tyre.
• Falënderoji vizitorët për përshtypjet e tyre. Kjo mund të jetë diçka e thjeshtë si: "Faleminderit për recensionin! E vlerësojmë që i kushtove kohë shkrimit të përshtypjeve të tua mbi udhëtimin".
• Trego se si po e përmirëson ambientin tënd. Mund të shkruash: "Na vjen keq që krevatet nuk ishin të rehatshme. Gjumi yt është i rëndësishëm për ne, ndaj kemi shtuar shtresat e sipërme të dyshekut".

Në çdo kohë mund të raportosh një recension që shkel Rregulloren e recensioneve, si p.sh.: një recension hakmarrës. Mund të hiqet nëse zbulohet se vizitorët kanë bërë shkelje serioze të rregullores.

Problemet me saktësinë e përshkrimit dhe pastërtinë e listimit janë dy nga arsyet më të zakonshme që vizitorët u japin pritësve më pak se pesë yje. Përdori përshtypjet e vizitorëve si mundësi për të përmirësuar pritjen e vizitorëve.

Ja disa mënyra për t'u treguar vizitorëve se ke gjithmonë gatishmërinë për t'u përmirësuar:

• Trajtoji përshtypjet si një mundësi. Vizitorët të ofrojnë perspektiva që mund të mos të të kenë shkuar në mendje, si për shembull mund të thjeshtosh regjistrimin ose të shtosh më shumë peshqirë.

• Ji transparent. Mbaji fotografitë dhe përshkrimin e listimit të përditësuara për të pasqyruar atë që ofron aktualisht. Shpjego se si gjen zgjidhje për problemet e mundshme, si sigurimi i tapave të veshëve nëse rruga është e zhurmshme.

• Praktiko pritjen gjithëpërfshirëse të vizitorëve. Përqendrohu që ta bësh çdo vizitor të ndihet i mirëpritur duke përdorur gjuhën neutrale gjinore dhe duke theksuar kushtet lehtësuese.
• Komuniko me vizitorët gjatë gjithë qëndrimit të tyre. Përdor mesazhet e programuara për të pyetur se si po shkojnë gjërat dhe për t'iu përgjigjur menjëherë çdo shqetësimi.

Informacioni në këtë artikull mund të ketë ndryshuar që nga publikimi.