Si të optimalizosh veprimtarinë e pritjes së vizitorëve

Pritja e vizitorëve kërkon kohë, por pasi t'ia kesh marrë dorën, mund të optimalizosh shumë aspekte të rutinës tënde. Në këtë mënyrë do të përqendrohesh në krijimin e një përvoje të paharrueshme për vizitorët e tu.

Krijimi i një rutine pastrimi ndihmon në lehtësimin e procesit të sistemimit ndërmjet qëndrimeve.

• Konsidero të punësosh një pastrues profesionist për të ndihmuar në ruajtjen e cilësisë në vazhdimësi.
• Zgjidh shtrojat dhe peshqirët me ngjyra të ngjashme, që të mund t'i lash të gjitha njëkohësisht.
• Mbaj një palë shtroja dhe peshqirë më shumë në dispozicion për sistemime më të shpejta ndërmjet qëndrimeve të vizitorëve.
• Planifiko një pastrim periodik të thellë, për ta bërë më të lehtë pastrimin midis qëndrimeve.
• Planifiko porositjen e herëpashershme të produkteve të pastrimit dhe artikujve të tjerë bazë, si letra higjienike dhe sapuni. Kjo mund të të kursejë kohë dhe të të ndihmojë të shmangësh mbarimin e furnizimeve.
• Bli me shumicë për të rezervuar artikujt që harxhon më shumë ti dhe vizitorët, si shampo dhe balsam. 

Përgjigjja ndaj mesazheve të vizitorëve nuk ka pse të kërkojë shumë kohë. Përdorimi i mjeteve të Airbnb mund të krijojë një komunikim më efikas me vizitorët.

• Shkarko aplikacionin Airbnb për t'u përgjigjur menjëherë. Zgjidh funksionin "njoftimet automatike" dhe mbaje pajisjen pranë me zë të aktivizuar.
• Përdor mesazhet e programuara për të ndarë detaje të caktuara në rastet kur vizitorët mund t'i duan, si për shembull të konfirmosh se vizitorët kanë marrë udhëzime për regjistrimin një ditë para qëndrimit.
• Konfiguro përgjigjet e shpejta duke i shkruar ato paraprakisht për t'iu përgjigjur më shpejt pyetjeve të zakonshme. Skeda "Mesazhet" sugjeron automatikisht se cila nga përgjigjet e tua të shpejta mund të jetë më e përshtatshme për një bisedë.

Thjeshtimi i regjistrimit mund t'i bëjë vizitorët e tu të ndihen të mirëpritur. Mendo që mund të shtosh një bashkëpritës për të ndihmuar në menaxhimin e listimit dhe rezervimeve të tua.

• Përdor udhëzuesin e mbërritjes në skedën "Listime" për të shtuar detaje të rëndësishme, duke përfshirë mënyrën dhe orën e regjistrimit, udhëzimet, manualin e shtëpisë dhe fjalëkalimin e wifi.
• Zgjidh tastierat numerike me vetëshërbim, bravat inteligjente ose kutitë e çelësave me kod, për të kursyer kohë dhe për t'u ofruar vizitorëve fleksibilitet më të madh.
• Ofro një manual të shtëpisë për ndarjen e udhëzimeve, si p.sh. si të përdorësh shërbimet ose si të kesh qasje në wifi.

Informacioni në këtë artikull mund të ketë ndryshuar që nga publikimi.