Përdor recensionet e vizitorëve për t'u përmirësuar

Vlerësimet më të mira dhe recensionet mund të sjellin më shumë prenotime dhe fitime më të larta. Ja si të menaxhosh procesin e recensioneve dhe t'i kthesh të dhënat në përmirësime.

Tregoju vizitorëve se angazhohesh për t'u përmirësuar duke kërkuar përshtypje.

• Dërgo një mesazh të programuar në momentin e çregjistrimit. Kërkoju vizitorëve të të japin përshtypje private, duke përfshirë ide specifike se si mund ta kishe bërë përvojën e tyre edhe më të mirë.

• Shkruaj recensione për vizitorët. Kjo ua kujton atyre që të lënë një recension publik edhe për ty. Pas çregjistrimit, keni 14 ditë kohë për t'i lënë recension njëri-tjetrit.

Zhvillo një proces të thjeshtë për të përcaktuar se cilat sugjerime duhet të përfshish.

• Lexo çdo recension. Falënderoji vizitorët për kontributin e tyre dhe konsidero se çfarë ka kuptim për ambientin dhe rutinën tënde, si dhe për vizitorët e tjerë.
• Kushtoji vëmendje vlerësimeve me yje. Vizitorët mund të japin një vlerësim me yje në kategori të veçanta dhe të zgjedhin nga një listë e gjërave që shkuan mirë ose që mund të kishin shkuar më mirë. Kërko çfarë tendencash kanë, si për shembull, nëse vizitorët zgjedhin vazhdimisht "rrëmujë e tepruar" kur vlerësojnë pastërtinë ose "udhëzime të paqarta" kur vlerësojnë regjistrimin.

Është gjithmonë e mundur ta përmirësosh atë që u ofron vizitorëve.

• Përgjigjju recensioneve. Kur vizitorët lënë sugjerime, përgjigju për t'i falënderuar dhe për të dhënë një zgjidhje për përshtypjet e tyre. Kjo tregon se i merr seriozisht përshtypjet. Nëse po i përgjigjesh një recensioni publik, përgjigjja jote do të shfaqet poshtë recensionit të lënë.
• Përqendrohu në gjetjen e zgjidhjeve. Kur ka një problem, identifiko shkakun kryesor dhe zbulo se çfarë mund të kontrollosh. Për shembull, mund të ndriçosh një dhomë të errët duke përdorur llamba, bimë që rezistojnë në pak dritë dhe pasqyra.
• Ndaj përshtypjet me ekipin tënd mbështetës. Mund të të duhet të japësh udhëzime shtesë për bashkëpritësit dhe pastruesit. Për shembull, nëse vizitorët gjejnë thërrime në divan, komunikoja këtë gjë kujtdo që të ndihmon me pastrimin.
• Përditëso listimin. Recensionet priren të pasqyrojnë se sa i përmbush pritshmëritë. Sigurohu që shërbimet, fotografitë dhe përshkrimi i listimit të përputhen me atë që ofron aktualisht.

Informacioni në këtë artikull mund të ketë ndryshuar që nga publikimi.