Përmirësimet e kutisë së mesazheve për të menaxhuar komunikimin me vizitorët

Shënim i redaktorit: Ky artikull u publikua si pjesë e Versionit të verës 2023 të Airbnb. Informacioni mund të ketë ndryshuar që nga publikimi. Mëso më shumë për versionin më të fundit të produktit.

Pritja e suksesshme e vizitorëve kërkon komunikim efektiv me vizitorët, gjë për të cilën mund të duhet kohë. Po njoftojmë dy përmirësime për të thjeshtuar komunikimin: konfirmimet e leximit dhe përgjigjet e reja të shpejta.

Na the që do të dish nëse vizitorët i kanë marrë mesazhet e tua. Me konfirmimet e leximit, pritësit dhe vizitorët mund të kuptojnë nëse mesazhet e tyre janë lexuar.

Pasi ti ose vizitorët e tu të keni lexuar një mesazh të dërguar përmes aplikacionit Airbnb, një tregues leximi shfaqet pak më poshtë mesazhit të fundit në bashkëbisedimin.

Si standard, konfirmimet e leximit do të jenë aktive për të gjithë përdoruesit e Airbnb nga fillimi i qershorit. Për t'i çaktivizuar, shko te seksioni "Privatësia dhe ndarja" i cilësimeve të llogarisë.

Përgjigjet e shpejta dhe mesazhet e programuara tashmë kursejnë kohë. Tani mund të shtosh një kartë vizuale të dobishme që lidhet me udhëzimet e reja të çregjistrimit në çdo përgjigje të shpejtë ose mesazh të programuar.

Për të të ndihmuar ta bësh këtë më shpejt, po shtojmë sugjerime automatike brenda kutisë së mesazheve. Ja se si funksionojnë ato:

• Nëse vizitori të dërgon një mesazh ku pyet për çregjistrimin, do të marrësh një sugjerim automatik për të dërguar një përgjigje të shpejtë që lidhet me udhëzimet e çregjistrimit.

• Nëse nuk i ke krijuar ende udhëzimet e çregjistrimit, do të marrësh një sugjerim automatik për ta bërë këtë gjë, dhe pastaj mund t'i ndash ato si një përgjigje e shpejtë në formën e një karte vizuale.

Këto veçori të kutisë së mesazheve janë pjesë e Versionit të verës 2023 të Airbnb, me 25 përmirësime për pritësit. Hyr në programin "Qasje e hershme" dhe përdor këto mjete të reja sot.