Krijimi i një përvoje pa probleme për regjistrimin

Përvoja e regjistrimit fillon me komunikim të qartë dhe përfundon duke i ndihmuar vizitorët të ndihen të mirëpritur dhe të sistemuar në ambientin tënd. Ja si të krijosh një mbërritje të qetë.

Shko te udhëzuesi i mbërritjes së listimit tënd për të konfiguruar një proces regjistrimi të thjeshtë dhe të besueshëm.

• Zgjidh një orar regjistrimi. Konsidero sa kohë do të të duhet për sistemimin e ambientit midis qëndrimeve të vizitorëve. Shumë pritës preferojnë regjistrimet gjatë pasdites, që të kenë kohë të mjaftueshme për të pastruar para se të mbërrijnë vizitorët e tjerë.

• Shkruaj udhëzime të qarta për ambientin tënd. Përfshi detaje të dobishme nëse është e vështirë t'i gjesh ose shërbimi telefonik nuk është i besueshëm në zonë.

• Zgjidh një mënyrë regjistrimi. Shumë vizitorë preferojnë lehtësinë e hyrjes me vetëshërbim, gjë që i lejon të hyjnë brenda edhe pa praninë tënde.

• Jep udhëzime për regjistrimin. Pasi të kesh zgjedhur një mënyrë regjistrimi dhe të kesh shtuar detaje, të tilla si vendi ku ndodhet kutia e çelësave, mund të shtosh udhëzime hap pas hapi me fotografi në të njëjtin seksion.

• Krijo një manual shtëpie dhe një udhëzues. Ndaj informacione të rëndësishme për ambientin tënd, si mënyra se si të lidhesh me wifi dhe sugjerimet e tua lokale, duke përfshirë vende për të ngrënë.

Vizitorët mund të hyjnë në udhëzimet e regjistrimit në detajet e udhëtimit të tyre 48 orë para orarit të regjistrimit ose 24 orë përpara, nëse ke një rregullore fleksibël anulimi.

Konsidero të programosh një mesazh për një ose dy ditë para regjistrimit. Është një mundësi për t'u dërguar udhëzime për regjistrimin të gjithë vizitorëve në rezervim dhe për t'u kërkuar atyre të kontaktojnë nëse kanë pyetje.

Mënyra se si ndihen vizitorët kur hapin derën, është një pjesë e rëndësishme e përvojës së regjistrimit.

• Mbaje ambientin tënd xixë. Krijo një rutinë që përfshin pastrimin e të gjitha sipërfaqeve, dyshemeve dhe pëlhurave dhe kontroll të dytë nëse janë hequr njollat, papastërtitë dhe flokët.

• Vër në dukje informacionet e dobishme. Vendosi versionet e printuara të manualit të shtëpisë dhe udhëzuesit në një vend të dukshëm.

• Lër një dhuratë mirëseardhjeje. Kjo mund të jetë po aq e thjeshtë sa një shënim i shkruar me dorë ose një ushqim vendas.

• Ki një mënyrë hyrjeje rezervë. Konsidero të mbash një çelës rezervë në një kuti çelësash me kod pranë hyrjes, në rast se mënyra kryesore e regjistrimit nuk funksionon.

Sido që të zgjedhësh të mirëpresësh vizitorë, ti ose një bashkëpritës duhet të jeni në dispozicion gjatë regjistrimit për të zgjidhur shpejt problemet që mund të lindin. Të qenit aktiv kur mbërrijnë vizitorët mund të lërë përshtypje pozitive edhe për pjesën tjetër të qëndrimit të tyre.

Informacioni në këtë artikull mund të ketë ndryshuar që nga publikimi.