Si të konfigurosh një regjistrim të thjeshtë që funksionon çdo herë
Si pjesë e rregullave bazë për pritësit, duhet t'u japësh vizitorëve informacionin që u duhet për të hyrë në ambient gjatë regjistrimit dhe gjatë gjithë qëndrimit të tyre. Pritësit e suksesshëm shpesh ofrojnë hyrje me vetëshërbim, duke përdorur pajisje si brava inteligjente, tastiera numerike ose kuti çelësash me kod dhe kanë një plan rezervë në rast se diçka nuk shkon mirë.
Realizimi i një mënyre të lehtë regjistrimi
Konfiguro një regjistrim të thjeshtë dhe testoje për të konfirmuar se do të funksionojë për çdo vizitor, çdo herë.
Përdor aplikacionin Airbnb për të shtuar udhëzime hap pas hapi për regjistrimin në listimin tënd. Aplikacioni do të të kërkojë të dërgosh fotografi të procesit të regjistrimit dhe shënime të shkurtra udhëzuese, në të cilat vizitorët mund të kenë lehtësisht qasje.
Vendos adresën tënde të saktë dhe shëno vendndodhjen. Nëse ambienti yt është jashtë rruge ose nuk ka shërbim telefonik në afërsi, jep udhëzime të sakta për të shmangur konfuzionin.
Dërgo udhëzime për regjistrimin tre ditë përpara. Konfirmo me vizitorët nëse i kanë marrë ato dhe interesohu nëse kanë ndonjë pyetje.
Qëndro në dispozicion në momentin e regjistrimit. Nëse diçka shkon keq, është mirë të qëndrosh në dispozicion për zgjidhjen e problemeve menjëherë.
Zëvendësimi i çelësave me alternativa të tjera
Një mënyrë për ta bërë regjistrimin të lehtë është të instalosh një bravë inteligjente që i lejon vizitorët të hapin derën kryesore me një kod. Para çdo regjistrimi, mund të ndryshosh kodin dhe t'i dërgosh vizitorit numrin përkatës unik.
Kontrollo dy herë rregullisht nëse të gjitha sistemet janë funksionale. Pavarësisht nëse po përdor pajisje apo po i përshëndet vizitorët personalisht, mirë është të kesh një kuti çelësash me kod me një çelës rezerve.