3 shtyllat e një përvoje cilësore

Gati për t'u lidhur me një komunitet udhëtarësh dhe banorësh lokalë të interesuar për të mësuar më shumë rreth botës tënde? Hapi i parë: njihu me standardet dhe kriteret e cilësisë në Airbnb, të cilat të gjithë pritësit duhet t'i përmbushin për të publikuar përvojën e propozuar. Tani që ke trajtuar gjërat bazë, le të thellohemi në detaje për 3 shtyllat e Airbnb për një përvojë me cilësi të lartë dhe të zbulojmë mënyra se si t'i nxjerrësh në pah pikat e tua të forta unike në propozimin e përvojës.

Pritësit e përvojave i marrin udhëtarët në botën e tyre, duke i ndihmuar të ndihen si të brendshëm, edhe nëse për vetëm pak orë. 3 shtyllat e cilësisë që duhet të tregojë një prezantim përvoje janë: ekspertiza, qasja e privilegjuar dhe lidhja. Këto shtylla i veçojnë përvojat nga shëtitjet tipike dhe ndihmojnë të sigurohet që tregu të ketë listime përvojash cilësore, të drejtuara nga pritës që kanë njohuritë e duhura dhe janë mikpritës.

Ndërsa lexon më shumë rreth këtyre shtyllave dhe mendon për idenë e përvojës, ja disa gjëra që duhen mbajtur parasysh:

• Merr parasysh jo vetëm ekspertizën që ke në fushën tënde, por edhe perspektivën unike që mund të sjellësh në këtë temë ose aktivitet.
• Lëre imagjinatën të lirë. Përvojat duhet të shfaqin diçka që vizitorët nuk mund ta bënin lehtë vetë. Provo ta dallosh përvojën tënde nga aktivitetet e përgjithshme turistike.
• Përvojat më të mira krijojnë lidhje kuptimplota njerëzore. Si do t'i bësh vizitorët e tu të ndihen si në shtëpi?

Ke pasion artizanatin, aktivitetin dhe/ose komunitetin tënd? Pasi harton idenë e përvojës dhe e dërgon për shqyrtim, kjo është një pikë e shkëlqyer për të filluar! Përveç pasionit, një pritës ekspert duhet të marrë parasysh se çfarë ekspertize, kredencialesh ose perspektive unike kanë për fushën kryesore të aktivitetit të tyre. Sigurohu që ta bësh të qartë këtë në propozimin e përvojës.

Ja tre shembuj se si mund ta shpjegosh ekspertizën tënde për një fushë, me nivele të ndryshme suksesi:

Shmang:"Më pëlqen kaligrafia!" Kjo deklaratë nuk shpjegon plotësisht detajet se si ose pse je një ekspert i zanatit.

Mirë: "Unë kam studiuar kaligrafi për pesë vjet dhe kohët e fundit kam filluar t'ua mësoj miqve të mi". Kjo deklaratë të jep një pasqyrë të dobishme se çfarë të kualifikon të drejtosh këtë përvojë.

Fantastike: "Jap mësim kaligrafie në SF Asian Arts Center. Kohët e fundit fola në konferencën ndërkombëtare të kaligrafisë mbi kaligrafinë në epokën dixhitale." Kjo deklaratë bën një punë të shkëlqyer në demonstrimin e ekspertizës së rëndësishme në fushën tënde.

Eleonora dhe Achref, organizatorë të Gatimi me anë të artit!, kanë shkruar një seksion Rreth teje ku përshkruhet shumë mirë ekspertiza e tyre:

Shembulli 1: Eleonora është një kuzhiniere me mbi 15 vjet përvojë ndërkombëtare. Ajo është një kuzhiniere televizive në Italia7 që pëlqen të ndajë njohuritë e saj me të tjerët. Me pasion ajo ka ndjekur hapat e gjyshes dhe nënës së saj, por ajo vazhdon të ndjekë risitë, në fakt përveç specializimit të saj si kuzhiniere e ëmbëlsirave, verës dhe kombinimit të ushqimit, ajo është gjithashtu një piciere e specializuar. Libri i saj i parë i gatimit është botuar vitin 2018.

Anabel, organizatore e përvojës Ngjyrosja natyrale me teknika të lashta në qytetin e Meksikos, gjithashtu e përshkruan shumë mirë ekspertizën e saj:

Shembulli 2: Jam një adhuruese e tekstileve meksikane dhe kam studiuar stilim mode dhe arte të fibrave në Barcelonë. U ktheva në Meksikë disa vjet më parë kur fillova të mësoja ngjyrat natyrore në Oaxaca ku u dashurova me nuancat e gjalla të tekstileve të lashta. Që atëherë kam zhvilluar disa projekte, duke përfshirë një markë të çantave artizanale dhe duke përdorur disa nga materialet dhe metodat që do të mbulojmë në këtë punëtori.

Duhet të jesh mjeshtër për të organizuar një përvojë? Jo! Sigurohu që të theksosh se çfarë ekspertize unike ke që është e rëndësishme për përvojën.

Përvojat shkojnë përtej aktiviteteve tipike turistike dhe vizitorët ftohen të marrin pjesë në mënyrë aktive në komunitetin ose kulturën e një pritësi. Përvojat e shkëlqyera prezantojnë vende ose aktivitete që një udhëtar i zakonshëm nuk ka gjasa t'i zbulojë vetë.

Konsidero të ofrosh qasje në diçka unike ose ndryshe të paarritshme për një vizitor të zakonshmëm për të rritur shanset që përvoja jote të publikohet në Airbnb. Kur të dërgosh përvojën tënde, sigurohu që të theksosh se çfarë ka të veçantë në vendndodhjet që do të vizitosh me vizitorët e tu.

• Ndaj një vend të veçantë, si për shembull, të vetmin pus për ujitje të zonës ose një kopsht të së fshehur lagjeje.  
• Prezantoji vizitorët me njerëz, komunitete ose aktivitete që përndryshe nuk do të kishin qasje.
• Ofroje një aktivitet tipik ose të zakonshëm turistik me një veçanti të shtuar apo nga një pikëpamje tjetër.

Marvin, pritësi i përvojës "Honey Bee Therapy", terapia me mjaltin e bletëve, ofron qasje unike në oborrin e shtëpisë së tij dhe në kopshtet e komunitetit lokal, ku vizitorët mund të kundrojnë kosheret e bletëve në Los Anxheles. 

Sigurohu që të theksosh lidhjen tënde me këto vende ose komunitete në aplikimin tënd. Pyete veten: Pse janë të veçantë për ty dhe pse do t'u dukeshin interesante edhe vizitorëve të tu? Konsidero të ndash një kujtim të ngulur në kujtesë që lidhet me këto vende.

Një pritës i shkëlqyer përvojash është i përkushtuar në krijimin e lidhjeve njerëzore kuptimplota. Ata shkojnë përtej kufijve për t'i bërë vizitorët të ndjehen të mirëpritur dhe të vlerësuar. Ata janë të ngrohtë dhe të kujdesshëm, duke krijuar momente lidhjeje me vizitorët e tyre dhe duke i bërë ata të ndihen të veçantë gjatë këtij procesi. Nëse pritësi krijon një lidhje të mirë, vizitorët shpesh do të mbërrijnë në një përvojë si të huaj dhe do të largohen si miq.

Kur të dërgosh përvojën tënde, thekso mënyrat se si do të marrësh parasysh detajet dhe sigurohu që vizitorët të ndjehen të mbrojtur, të angazhuar dhe të lidhur gjatë gjithë përvojës. Kjo mund të nënkuptojë nga gjestet e vogla, si ofrimi i kremit kundër diellit në një ditë me diell, deri te gjërat më të mëdha, si krijimi i një hapësire gjithëpërfshirëse për t'u lidhur me vizitorët e tu.

Këtu janë disa pyetje që duhet t'i bësh vetes ndërsa krijon idenë e përvojës:

• Si trajtohen nevojat e vizitorëve, si p.sh. shqetësimet për dietën, kushtet lehtësuese apo sigurinë?
• Çfarë mund të bësh nëse ka rrethana të paparashikuara, si ndryshimi i motit?
• Si do t'i ndihmosh vizitorët të lidhen dhe të ndërveprojnë me njëri-tjetrin në përvojën tënde?
• Si do t'i marrësh parasysh nivelet e rehatisë së një spektri të gjerë vizitorësh nga kultura të ndryshme?

Mos harro se të gjitha përvojat duhet t'i përmbushin këto standarde cilësie për të hyrë në platformën e Airbnb. Mënyra se si i komunikon këto cilësi në faqen e përvojës ka rëndësi. Thekso me kujdes ekspertizën unike, qasjen e privilegjuar dhe lidhjen në këto seksione:

Rreth teje – Mos harro të tregosh pse je personi më i mirë për të organizuar këtë përvojë, si lidhet ekspertiza jote me aktivitetin dhe çfarë të bën një pritës të kujdesshëm.

Çfarë do të bësh dhe ku do të jesh – Përshkruaj qasjen unike në vendndodhjet ose komunitetet që do të ofrosh. Tregohu specifik! Parapriju pyetjeve që mund të kenë vizitorët dhe përgatit përgjigje të gatshme paraprakisht.

Çfarë do të ofroj – Përfshi çdo gjë të veçantë që do të përfshish në përvojë, nga pijet dhe ushqimet e lehta, deri te biletat që u japin vizitorëve qasje në një event.