Si të mirëpresësh vizitorët e tu të parë në Airbnb

Mund të kesh pyetje se si të përgatitesh për vizitorët e tu të parë. Këtu janë disa sugjerime për të pasur një përvojë të qetë.

Krijo një proces të thjeshtë dhe të besueshëm. Shto udhëzime për ambientin tënd, një mënyrë regjistrimi dhe udhëzime hap pas hapi për regjistrimin në udhëzuesin e mbërritjes së listimit. Shumë vizitorë preferojnë lehtësinë e hyrjes me vetëshërbim, gjë që i lejon ata të hyjnë brenda edhe pa praninë tënde.

Vizitorët mund të hyjnë në udhëzimet e regjistrimit në detajet e udhëtimit të tyre 48 orë para orarit të programuar për regjistrimin ose 24 orë përpara, nëse ke një rregullore fleksibël anulimi.

Çdo vizitor është i ndryshëm, por shumica presin të kenë në dispozicion disa artikuj dhe informacione të caktuara. Ndiqi këta hapa për të ofruar një qëndrim të rehatshëm.

• Furnizohu me artikujt bazë. Këta përfshijnë peshqirë, çarçafë, jastëkë, sapun dhe letër higjienike.

• Trego disponueshmëri. Bëj një plan se si do t'i zgjidhësh problemet shpejt dhe rikujtoji vizitorët se mund të të kontaktojnë nëse ndodh ndonjë gjë.

• Shto manualin e shtëpisë. Jepni informacione të rëndësishme të tilla si: si të hyni në internet dhe si të përdorni pajisjet. Lër një kopje të printuar që vizitorët të mund ta gjejnë me lehtësi.

• Shto një udhëzues. Ndaj sugjerimet e tua lokale, duke përfshirë vende për të ngrënë, për të bërë pazar, për të vizituar dhe për të përjetuar natyrën.

Çdo ndërveprim që ke me vizitorët është një mundësi për të përcaktuar pritshmëritë dhe për të treguar se interesohesh për nevojat e tyre.

• Krijo një ambient mikpritës. Jepu përparësi praktikave gjithëpërfshirëse për të ndihmuar çdo vizitor të ndihet rehat në ambientin tënd. Fillo thjesht duke i pyetur vizitorët se çfarë do t'i ndihmonte ata të ndiheshin si në shtëpinë e tyre.

• Trego mirëkuptim. Përpiqu ta analizosh çdo situatë nga këndvështrimi i vizitorit.

• Përgjigju shpejt. Niveli i mirë i gatishmërisë ndihmon që listimi yt të shfaqet më lart në rezultatet e kërkimit të vizitorëve në Airbnb. Përdor aplikacionin për të komunikuar shpejt dhe konfiguro mesazhet e programuara për të dhënë informacione të dobishme në momente të rëndësishme, si regjistrimi.

Ja disa shembuj të mesazheve që mund të konsiderosh të përdorësh në orare të caktuara. Këta shembuj përdorin kode të shkurtra, vendshënues që plotësojnë automatikisht të dhënat e rezervimit, listimit dhe ato të vizitorit. Vendos nga menuja e shkallëzuar, sepse nuk do të funksionojnë nëse i shkruan manualisht.

Vizitorët presin të gjejnë një ambient të pastër kur të mbërrijnë. Krijo një rutinë që përfshin pastrimin e të gjitha sipërfaqeve, dyshemeve dhe pëlhurave.

• Kontrollo për njolla, papastërti dhe flokë. Vendet që zakonisht anashkalohen përfshijnë nën krevat, sirtarët e brendshëm dhe mbulesat e dritareve.

• Zgjidh aroma neutrale. Aromat e forta të çdo lloji mund të mos u pëlqejnë vizitorëve. Hap dritaret ndërsa pastron dhe përdor dezinfektues të butë shumëpërdorimësh. 

• Hiqi ose vendosi diku sendet personale. Kjo mund të bëjë që të ndihesh i mirëpritur në ambientin tënd dhe do të ketë më pak rrëmujë.

Pas çregjistrimit, ti dhe vizitorët e tu keni 14 ditë kohë për t'i lënë recension njëri-tjetrit. Recensionet janë të fshehura derisa të dyja palët, ti dhe vizitori që ka prenotuar, të dërgoni një të tillë ose periudha 14-ditore e recensimit të ketë përfunduar. Vizitorët mund të japin gjithashtu vlerësime me yje për përvojën e tyre të përgjithshme dhe në gjashtë nënkategori: pastërtia, saktësia, regjistrimi, komunikimi, vendndodhja dhe raporti çmim/cilësi.

Recensionet e para janë veçanërisht të rëndësishme. Vlerësimi i përgjithshëm do të shfaqet në listim pasi të kesh marrë tre recensione dhe mund të ndikojë në mënyrën se si renditet në rezultatet e kërkimit. Konsidero të programosh një mesazh në ditën e çregjistrimit duke u kërkuar vizitorëve të recensojnë qëndrimin e tyre.

Shkruaj një recension të sinqertë e respektues dhe përdor të njëjtat standarde për çdo vizitor. Procesi i recensimit ndihmon në ndërtimin e besimit te vizitorët dhe pritësit.

Informacioni në këtë artikull mund të ketë ndryshuar që nga publikimi.