Komuniko në mënyrë efektive
Komunikimi i qartë dhe i shpejtë me vizitorët mund të ndihmojë që të kenë një qëndrim të mrekullueshëm dhe të nxisë recensione pozitive. Përdori këto sugjerime si udhëzim për qasjen tënde.
Si të fillosh me gjërat bazike
Mënyra se si komunikon me vizitorët ndihmon në përcaktimin e atmosferës për qëndrimin e tyre. Bëj më të mirën për sa më poshtë:
Trego disponueshmëri. Aktivizo njoftimet për të marrë dhe për t'iu përgjigjur shpejt mesazheve të vizitorëve. Annette, një pritëse në San Francisko, thotë se edhe për probleme të vogla, u kërkon vizitorëve: "na kontaktoni menjëherë dhe ne do ta zgjidhim këtë gjë".
Trego transparencë. Paraqit me saktësi se çfarë duhet të presin vizitorët. "Ajo çfarë thua se do t'iu ofrosh vizitorëve duhet të përputhet me atë që ata gjejnë kur mbërrijnë", thotë Daniel, një pritës në San Francisko.
Trego fleksibilitet. Pyet vizitorët se si mund t'i ndihmosh ata të ndihen rehat dhe të mirëpritur. "Do të ketë gjëra që ne si pritës nuk iu paraprijmë dot", thotë Sadie, një superpritëse në Santa Fe, Nju Meksiko.
- Trego kujdes. Përgjigja jote ndaj një problemi mund të lërë një përshtypje të pashlyeshme. "Mund ta kthesh një situatë të vështirë në një prenotim tjetër nëse e trajton siç duhet, duke treguar ndjeshmëri dhe duke punuar shpejt për ta zgjidhur", thotë Felicity, një anëtare e Bordit këshillimor të pritësve dhe superpritëse në New South Wales, Australi.
Shkëmbimi i mesazheve në momente të rëndësishme
Parapriju gjërave që duhet të dinë vizitorët që të kenë një përvojë pa probleme dhe sa më pak pyetje, veçanërisht në këto momente:
Kërkesa për informacion ose kërkesa për prenotimin. Përgjigju brenda 24 orësh kur vizitorët të kontaktojnë.
Konfirmimi i prenotimit. Dërgo një mesazh "faleminderit për prenotimin" për t'u lidhur dhe për t'ua bërë të ditur vizitorëve se je në dispozicion për t'iu përgjigjur çdo pyetjeje.
Mbërritja. Kujtoju vizitorëve një ose dy ditë para mbërritjes se mund t'i gjejnë udhëzimet e regjistrimit në aplikacion dhe ndaj me ta çdo shënim të rëndësishëm për mënyrën se si të hyjnë brenda. Brenda 24 orësh pas regjistrimit, pyeti se si po shkon gjithçka.
Largimi. Dërgo një shënim menjëherë pas çregjistrimit duke falënderuar vizitorët dhe duke u kërkuar atyre të lënë një recension. Lër edhe ti një recension për ta sa më shpejt që të jetë e mundur.
Automatizimi i mesazheve të tua
Një nivel i mirë gatishmërie ndihmon që listimi yt të shfaqet më lart në rezultatet e kërkimit të vizitorëve në Airbnb. Përdor këto veçori për t'i paraprirë dhe për t'iu përgjigjur pyetjeve të zakonshme:
- Përgjigjet e shpejta. Në kutinë tënde të mesazheve, zgjidh nga një listë modelesh ose shkruaj dhe ruaj modelin tënd. Do të udhëzohesh që t'i personalizosh këto me kode të shkurtra që plotësojnë detajet e vizitorit, të rezervimit dhe të listimit.
- Mesazhet e programuara. Vizitorët i marrin këto automatikisht në momente të caktuara me informacione të dobishme për qëndrimin e tyre. Mund t'i personalizosh edhe këto me kode të shkurtra.
Informacioni në këtë artikull mund të ketë ndryshuar që nga publikimi.