Të kuptojmë sigurimin në udhëtim për vizitorët e Airbnb
Emergjencat dhe ndërprerjet e papritura të udhëtimit ndodhin. Kjo është arsyeja pse Airbnb ofron sigurimin në udhëtim ose sigurimin e rezervimit për vizitorët.
Vizitorët që jetojnë në Mbretërinë e Bashkuar dhe në tetë shtete të Evropës mund të sigurojnë rezervimet e tyre për rreziqe të caktuara kur prenotojnë një udhëtim me një pagesë shtesë. Kur vizitorë që blejnë një policë sigurimi anulojnë për një arsye që mbulohet, do të mund të dërgojnë një kërkesë për dëmshpërblim nga sigurimi për koston e parimbursuar të prenotimit në Airbnb.
Kjo mund të reduktojë mundësinë që vizitorët t'iu kërkojnë pritësve një rimbursim përtej kushteve të rregulloreve të anulimit të pritësit.
Si e blejnë sigurimin vizitorët
Sigurimi në udhëtim është i disponueshëm për vizitorët që jetojnë në Mbretërinë e Bashkuar, Irlandë, Austri, Gjermani, Itali, Holandë, Portugali dhe Spanjë. Vizitorët në Francë mund të blejnë sigurimin e rezervimit.
Vizitorët në këto dhe në shtete të tjera të kualifikuara kanë mundësinë të blejnë një paketë sigurimi në Airbnb para se të konfirmojnë dhe të paguajnë për një rezervim. Paketa premium e sigurimit për vizitorët është një përqindje e kostos totale të prenotimit. Para se ta blejnë, vizitorët mund të lexojnë detajet e policës dhe kushtet e përgjithshme të saj.
Vizitorët që blejnë paketën e sigurimit marrin një email konfirmimi me detajet e policës së tyre dhe me informacionin se si të bëjnë një kërkesë për dëmshpërblim. Në varësi të vendndodhjes së vizitorit, policat lëshohen nga filialet e Europ Assistance në Mbretërinë e Bashkuar ose në Irlandë. Europ Assistance është një filial i Generali Group, një shoqëri shumëkombëshe, lider në fushën e sigurimeve.
Çfarë mbulon sigurimi
Sigurimi në udhëtim shton mbrojtjen për vizitorët, duke përfshirë pagesa deri në 100% të kostos së parimbursueshme të prenotimit, nëse udhëtimi ndikohet nga disa ngjarje të mbuluara, të cilat mund të përfshijnë mot të keq ose sëmundje serioze.
Për shembull, nëse një pritës rimburson 50% të kostos së prenotimit të një vizitori sipas rregullores së anulimit të pritësit, sigurimi në udhëtim mund të rimbursojë disa ose të gjithë 50% të mbetur kur vizitori anulon për arsye që mbulohen. Ofruesi i sigurimit nuk do të kërkojë të rikuperojë asnjë pagesë nga ana e pritësit, për të paguar kërkesën e vizitorit.
Mbulimi dhe kushtet ndryshojnë sipas vendndodhjes. Për më shumë detaje, referoju Qendrës së ndihmës:
Sigurimi në udhëtim ndryshon nga AirCover për vizitorët që ofrohet për çdo prenotim. AirCover u ofron mbrojtje vizitorëve për problemet e papritura, si pasaktësitë e listimit ose pamundësia për t'u regjistruar.
Për banorët e Mbretërisë së Bashkuar: sigurimi në udhëtim nënshkruhet nga Europ Assistance S.A., dega në Mbretërinë e Bashkuar. Europ Assistance S.A. mbikëqyret nga Autoriteti francez i mbikëqyrjes (ACPR), 4 place de Budapest, CS92459 - 75436 Paris Cedex 09, Francë. Filiali i Europ Assistance S.A. në Mbretërinë e Bashkuar është i autorizuar nga Autoriteti i Rregullimit Prudencial. Subjekt i rregullimit nga Autoriteti i Kontrollit Financiar dhe rregullimit të kufizuar nga Autoriteti i Rregullimit Prudencial. Detajet në lidhje me shtrirjen e rregullores sonë nga Autoriteti i Rregullimit Prudencial janë në dispozicion sipas kërkesës. Numri i regjistrit të Europ Assistance S.A. UK Branch FCA është 203084. Sigurimi në udhëtim organizohet nga Airbnb UK Services Limited. Airbnb UK Services Limited është një përfaqësues i emëruar i Aon UK Limited, i cili autorizohet dhe rregullohet nga Autoriteti i Kontrollit Financiar. Numri i regjistrit FCA të Aon UK Limited është 310451. Këtë numër mund ta kontrollosh duke vizituar Regjistrin e Shërbimeve Financiare ose duke telefonuar në numrin 0800 111 6768. Sigurimi në udhëtim rregullohet nga Autoriteti i Kontrollit Financiar, produktet dhe shërbimet e mbetura nuk janë produkte të rregulluara nga Airbnb UK Services Limited. Aplikohen kushtet e plota të përgjithshme. FPAIR20243LC
Për banorët e Francës: Sigurimi i rezervimit ofrohet nga Airbnb Ireland Insurance Services Limited dhe është nënshkruar nga Europ Assistance S.A. (EASA), përmes filialit të saj irlandez. Filiali irlandez i Europ Assistance S.A. (EAIB), me seli kryesore të biznesit në Ground Floor, Block B, Riverside IV, SJRQ, Dublin 2, Irlandë, DO2 RR77 dhe i regjistruar në Zyrën e Regjistrimit të Kompanive Irlandeze me numër 907089. EASA është autorizuar nga Autoriteti francez i mbikëqyrjes (ACPR), 4 place de Budapest, CS92459 – 75436 Paris Cedex 09, Francë, dhe EAIB rregullohet nga Banka Qendrore e Irlandës për rregullat e sjelljes së biznesit. Airbnb Ireland Insurance Services Limited rregullohet nga Banka Qendrore e Irlandës. Aplikohen kushtet e përgjithshme.
Për banorët e tjerë në BE: Sigurimi në udhëtim nënshkruhet nga Europ Assistance S.A. (EASA), përmes filialit të saj irlandez, filiali irlandez i Europ Assistance S.A. (EAIB), me seli qëndrore të biznesit në Ground Floor, Block B, Riverside IV, SJRQ, Dublin 2, Irlandë, DO2 RR77 dhe regjistruar në Zyrën e Regjistrimit të Kompanive Irlandeze me numër 907089. EASA është e autorizuar nga Autoriteti francez i mbikqyrjes. Autorité de Contrôle Prudentiel et de Résolution, 4 place de Budapest, CS92459 – 75436 Paris Cedex 09, Francë dhe EAIB është e rregulluar nga Banka Qëndrore e Irlandës për rregullat e sjelljes së biznesit. Sigurimi në udhëtim ofrohet nga kompania ndërmjetëse e sigurimeve Aon Iberia Correduria de Seguros y Reaseguros S.A.U., me asistencën e Airbnb Marketing Services S.L.U., si bashkëpunëtor i jashtëm. Zyra e regjistruar e Aon ndodhet në C/ Velázquez, 86D, 28006-Madrid, Spanjë. Aon është regjistruar në Regjistrin Tregtar të Madridit në Fletën M-19857, Vëllimi 1577, Faqe 122, numri i identifikimit tatimor A-28109247, dhe është regjistruar në Regjistrin e Shpërndarësve të Sigurimit dhe Risigurimit të Drejtorisë së Përgjithshme të Sigurimeve dhe Fondeve të Pensioneve nën numrin J0107. Aon ka kapacitetin financiar dhe sigurimin profesional, sipas ligjit të Dekretit Mbretëror 3/2020, të datës 4 shkurt 2020, për masat urgjente që inkorporon në ligjin spanjoll direktiva të ndryshme të Bashkimit Evropian në fushën e prokurimit publik në sektorë të caktuar, si sigurimet private, planet dhe fondet e pensioneve, tatimet dhe proceset gjyqësore tatimore. Përfitimet dhe shërbimet e policës së sigurimit përshkruhen në mënyrë të përgjithshme dhe u nënshtrohen kushteve dhe përjashtimeve të caktuara.
Informacioni në këtë artikull mund të ketë ndryshuar që nga publikimi.