Pse ta publikosh ambientin tënd në Airbnb?

Çfarëdolloj objektivash të kesh, pritja e vizitorëve në Airbnb është një mënyrë argëtuese dhe fleksibël për t'i përmbushur ato. Mund t'i mirëpresësh vizitorët në çdo lloj hapësire, kudo në botë, sa herë të duash.

Paratë që fiton mund të të ndihmojnë, për shembull, për të paguar faturat e shtëpisë, për të kursyer për ndonjë rast të rëndësishëm ose për të mbuluar kostot e pushimeve të ardhshme. Duke hapur dyert e shtëpisë, jo vetëm që fiton më shumë para, por ke gjithashtu mundësinë të lidhesh me udhëtarë nga e gjithë bota dhe të mbështesësh komunitetin lokal.

Kur pret vizitorë në Airbnb, zgjedh se si dhe kur t'i presësh ata. Mund të ofrosh një hapësirë të përbashkët ose private, si kur je në shtëpi, ashtu edhe kur je larg saj.

Ndërsa disa pritës e shndërrojnë mikpritjen e tyre në biznes, të tjerë i qasen rastësisht. Mund të provosh të presësh vizitorë vetëm kur ka ndonjë event të veçantë në zonën tënde ose për ta mbajtur ambientin të zënë kur je me pushime.

"Më pëlqen të jem shefi i vetes," thotë Magaly, një superpritëse në East Wenatchee, Uashington. "Është një mënyrë jetese fleksibël, ekuilibri i përsosur i mundësisë për t'u përqendruar kryesisht tek fëmijët e mi dhe për të dhënë gjithashtu maksimumin në punët e mia dytësore."

Në një sondazh të kohëve të fundit shumë pritës thanë se e publikuan hapësirën e tyre në Airbnb për të fituar para. Paratë shtesë i përdorin për të mbuluar kostot në rritje të jetesës ose për të paguar faturat a për të pasur më shumë para për të shpenzuar.

"Fillova të pres vizitorë kur u zhvendosa në shtëpinë time," thotë Yuan, një superpritës në Singapor. “Të ardhurat e vazhdueshme nga publikimi i dhomës sime të gjumit në Airbnb më ndihmojnë me shpenzimet e mia të përditshme, pasi u ktheva në shkollë dhe nuk kam më një punë me orar të plotë.”

Në vitin 2021, pritësit e rinj në mbarë botën fituan një total të kombinuar prej mbi 1,8 miliardë dollarësh, një rritje mbi 30% në raport me vitin 2019. Të ardhurat mesatare për pritësit në SHBA në vitin 2021 ishin 13 800 dollarë, një rritje prej 85% në raport me vitin 2019. Dhe mundësitë për të pritur vizitorë, nga fundjavat e rastit e deri gjatë gjithë vitit, kanë vazhduar të shtohen në vitin 2022.

"Nga momenti që e publikuam në Airbnb, kemi ecur vetëm përpara," thotë Robin, një superpritëse në Mount Barker, Australi. “Jemi plotësisht të prenotuar nga muaji në muaj dhe të ardhurat tona si pritës, përveç pensionit dhe investimeve të tjera, na mundësojnë një stil jetese shumë të mirë.”

Përfitimet për ndarjen e hapësirës sate shkojnë përtej llogarisë bankare. Pritësit na thonë se promovimi i komuniteteve të tyre dhe lidhja me njerëz interesantë që ndoshta nuk do t'i kishin takuar asnjëherë janë disa përfitime të tjera të rëndësishme.

James dhe Roxanne, superpritës në Holetown, Barbados, u ofrojnë vizitorëve të tyre produkte të prodhuara në vend, si biskota të sapopjekura të vendosura në komodinën e dhomës së gjumit, të cilat i shesin edhe në një dyqan të vogël në pronë. "Shpesh vizitorët blejnë më shumë nga kafja jonë vendase Cane Dog pasi e kanë provuar në dhomën e tyre," thotë James.

Brian, një superpritës i Hello House Hostel në Las Palmas de Gran Canaria, Spanjë, thotë se ka filluar të presë vizitorë për të përjetuar udhëtimet ndërsa qëndron në shtëpi. "Vizitorët që kemi pritur kanë qenë të mahnitshëm" - thotë ai - "dhe na pëlqejnë shumë historitë e tyre dhe kur na vizitojnë sërish."

Praktikisht, mund ta shndërrosh çdo hapësirë në një Airbnb. Cilado qoftë arsyeja që vendos të presësh vizitorë, është e lehtë të fillosh.

• Zbulo se sa mund të fitosh në vendndodhjen tënde ose regjistrohu për të ofruar një vendqëndrim për njerëzit në kohë krize
• Merr udhëzime individuale nga një superpritës, mundësinë për të mirëpritur një vizitor me përvojë për rezervimin tënd të parë dhe qasje të shpejtë te një ekip i trajnuar posaçërisht agjentësh të Asistencës së komunitetit përmes Konfigurimit të Airbnb
• Zbulo se si mbrohesh nga AirCover për pritësit

Publikimi i ambientit tënd në Airbnb mund të të mundësojë të përmbushësh objektivat e tua financiare, të lidhesh me njerëz nga e gjithë bota dhe të bëhesh një sipërmarrës sipas kushteve të tua. Kur të jesh gati t'u ofrosh vizitorëve një vendqëndrim, do të të ndihmojmë në çdo hap.

Zbulo më shumë në udhëzuesin tonë për botën e pritjes së vizitorëve