Si të ofrosh një qëndrim me 5 yje
Vendosja e pritshmërive
Sigurohu që përshkrimi i listimit të japë një përshkrim të plotë dhe të saktë të ambientit tënd.
Mos e tepro. Nxirr në pah veçantitë dhe detajet speciale, nga vaska me hidromasazh ose oxhaku deri te dërrasat e krisura të dyshemesë ose zhurma nga rruga.
Ngarko fotografi me cilësi të lartë dhe zgjidh çdo problem të mundshëm nga përshkrimi i listimit në diçiturat e fotografive. Syno dy deri në tre fotografi për çdo dhomë ose zonë, duke përfshirë çdo shërbim më të mirë.
Mos përdor kënde shumë të gjera ose mos i modifiko shumë fotografitë, të cilat mund t'i bëjnë dhomat të duken më të mëdha ose më të ndritshme se sa janë.
Si të komunikosh me sukses
Mos harro se je e vetmja pikë kontakti për vizitorët që qëndrojnë në ambientin tënd.
Tregohu proaktiv dhe konfirmo që vizitorët kanë gjithçka që iu duhet para se të regjistrohen, si udhëzimet për vendin dhe se si të hyjnë brenda.
Përgjigju sa më shpejt që të jetë e mundur mesazheve të vizitorëve.
Përdor gjuhë gjithëpërfshirëse në mesazhet e tua, që përbën çelësin e mikpritjes tënde ndaj të gjithë vizitorëve.
Përdor aplikacionin e Airbnb dhe mjete të tilla si përgjigjet e shpejta dhe mesazhet e programuara për ta lehtësuar komunikimin.
Dërgo udhëzimet për regjistrimin të paktën 24 orë përpara, në mënyrë që vizitorët të kenë kohën për t'i lexuar dhe të bëjnë pyetje. Kjo është veçanërisht e rëndësishme për vizitorët me nevoja për kushte lehtësuese.
Të mirëpresësh vizitorët
Ndonjëherë ndryshimi midis një recensioni me katër dhe me pesë yje është thjeshtë vemendja që i kushton detajeve.
Çelësi është pastërtia. Sigurohu që të gjitha sipërfaqet, dyshemetë dhe pëlhurat të jenë të pastra dhe pa pluhur. Kontrollo nëse kanë mbetur flokë pas pastrimit apo shenja papastërtie dhe pluhuri. Edhe nëse ambienti yt është fantastik, duhet të jetë përsosmërisht i pastër për të marrë recensione me pesë yje.
Shto pak nga stili yt personal duke lënë një shënim mirëseardhjeje ose duke dërguar një mesazh mirëseardhjeje në aplikacion.
Bëje ambientin tënd të japë ndjesinë e shtëpisë. Për shembull, nëse ka një kuzhinë, konsidero të shtosh tenxhere dhe tiganë, lugë shërbimi dhe artikuj bazë për gatim.
Gjestet e vogla kanë domethënie të madhe, si të lësh një batanie në divan apo të ofrosh kafe ose çaj.
Angazhimi ndaj rezervimeve
Si pjesë e rregullave bazë për pritësit, nuk duhet të anulosh rezervimet e konfirmuara. Nëse një anulim është i pashmangshëm, duhet të bësh çmos që ta anulosh me sa më herët që të jetë e mundur. Kontakto Airbnb nëse ke nevojë për ndihmë.