Krijo një qëndrim me 5 yje

Përgatitja e kujdesshme është themeli i një qëndrimi me pesë yje. Për të filluar, përdor këtë udhëzues me pesë hapa.

Bëje listimin tënd tërheqës ndërsa tregon sinqeritet për atë që ofron.

• Tregohu transparent për atë që do të gjejnë vizitorët. Shko në detaje rreth lagjes dhe shërbimeve të tua për t'i ndihmuar vizitorët të vendosin nëse ambienti yt është i përshtatshëm.

• Përditësoje listimin pasi të ndryshojë. Kjo përfshin shtimin e shërbimeve të reja dhe mbajtjen e fotografive të tua të përditësuara. Disa pritës madje i përditësojnë fotografitë e tyre për t'iu përshtatur sezonit.

"Përfshi gjërat e pazakonta të pronës sate në një mënyrë të sinqertë dhe të qartë", - thotë Nikki, një superpritëse në San Francisko. "Në fund të fundit është si të ushtrohesh në temën e empatisë. Ideja është që të ofrosh transparencë të mjaftueshme për t'i ndihmuar vizitorët të zgjedhin pronën që duan".

Vizitorët presin një mbërritje dhe largim pa probleme.

• Shkruaj udhëzime të qarta regjistrimi. Shpjego procesin hap pas hapi dhe përfshi çdo detaj që mund të jetë i dobishëm, siç janë fotografitë ose një hartë me shigjeta.

• Minimizo detyrat e çregjistrimit. Udhëzimet e tua duhet të kërkojnë pak ose aspak përpjekje për t'u ndjekur. Tregoju vizitorëve se si ta mbyllin derën gjatë daljes.

"E mbajmë procesin e çregjistrimit sa më të thjeshtë", thotë Keshav, një anëtar i Bordit këshillimor të pritësve dhe superpritës në Nju Delhi. "Personi që kujdeset për pastrimin vjen dhe bën gjithçka, në mënyrë që vizitorët të mos shqetësohen për asgjë".

Mendo se si do të ndihen vizitorët kur të hyjnë në ambientin tënd dhe çfarë do të mbajnë mend pas largimit.

• Krijo një ambient të rehatshëm. Përfshi komoditetet e krijesave, si jastëkët dhe batanijet. Cakto hapësirat ku vizitorët të vendosin gjërat e veta.

• Trego komunitetin tënd. Konsidero të dekorosh me art vendas ose të ofrosh një ushqim të rajonit. Ndaj vendet e tua të preferuara në një udhëzues.

• Trego disponueshmëri. Tregoju vizitorëve se mund të të kontaktojnë në çdo kohë. Caktoji njoftimet që të të lajmërojnë kur vizitorët dërgojnë mesazhe.

"Gjëja më e rëndësishme është që vizitorët ta ndiejnë se hapësira është e tyre", thotë Katerina, një superpritëse në Kolumbus, Ohajo. "Hiq çdo gjë që mund t'u krijojë vizitorëve ndjesinë që po qëndrojnë në shtëpinë e dikujt tjetër."

Mendo se si t'i japësh zgjidhje një sërë problemesh që mund të lindin gjatë qëndrimit të një vizitori.

• Furnizo me materiale për emergjenca. Pajise ambientin tënd me një fikëse zjarri, kuti të ndihmës së shpejtë dhe elektrik dore. Ndaj numrat e telefonit të urgjencës në rast se vizitorët kanë nevojë për ndihmë.

• Kupto se si mbrohesh. AirCover për pritësit ofron mbrojtje nga A-ja te Zh-ja, e cila është gjithmonë e përfshirë dhe gjithmonë falas.

• Formo një ekip asistence. Zhvillo marrëdhënie me një ekip mirëmbajtjeje. Shto një bashkëpritës për t'u siguruar që dikush të jetë gjithmonë i disponueshëm për t'iu përgjigjur vizitorëve.

Vlerësimet dhe recensionet mund të të ndihmojnë të përmirësosh atë që ofron dhe të krijosh besim te vizitorët.

• Recenso vizitorët e tu. Kjo është një mundësi për të shprehur mirënjohje, për të ndarë përshtypjet dhe për t'i kujtuar vizitorët që të të lënë një recension. Pas çregjistrimit, pritësit dhe vizitorët kanë 14 ditë kohë për t'i lënë recension njëri-tjetrit.
• Kushtoji vëmendje vlerësimeve me yje. Vizitorët mund të vlerësojnë qëndrimin e tyre në përgjithësi dhe gjithashtu të japin yje për pastërtinë, saktësinë, regjistrimin, komunikimin, vendndodhjen dhe raportin çmim/cilësi.
• Përgjigjju recensioneve. Përdore këtë si një mundësi për të treguar se e ke gatishmërinë që të përmirësohesh. Nëse i përgjigjesh recensionit publik të një vizitori, përgjigja jote do të shfaqet poshtë tij.

"Është e rëndësishme t'i marrësh me seriozitet recensionet," thotë Sadie, një superpritëse në Santa Fe, Nju Meksiko. "Vizitorët janë me të vërtetë udhëzuesi yt për të arritur të vlerësohesh me pesë yje."

Nëse nuk e ke marrë akoma prenotimin tënd të parë, mund të marrësh udhëzime individuale nga një superpritës. Ata janë pritësit më të vlerësuar dhe më me përvojë në Airbnb.

Informacioni në këtë artikull mund të ketë ndryshuar që nga publikimi.