Menaxho kalendarin

Vizitorët mund ta gjejnë listimin tënd në rezultatet e kërkimit brenda 24 orësh nga publikimi i tij. Kalendari është plotësisht i hapur, sipas cilësimit standard. Është e rëndësishme ta përditësosh disponueshmërinë menjëherë, pastaj të zgjedhësh rregulloren e anulimit dhe mënyrën se si mund ta prenotojnë vizitorët ambientin tënd.

Blloko kalendarin për datat kur nuk mund të presësh vizitorë. Kjo e fsheh listimin nga rezultatet e kërkimit dhe të ndihmon të shmangësh anulimin e rezervimeve.

"Po i ofron një shërbim vizitorit tënd dhe duhet të bësh gjithçka që mundesh për ta ofruar siç ke premtuar", thotë Felicity, një anëtare e Bordit këshillimor të pritësve dhe superpritëse në New South Wales, Australi.

Ndiqi këta hapa për të menaxhuar disponueshmërinë tënde.

• Vendos se sa kohë përpara mund të prenotojnë vizitorët. Mund të pranosh rezervime në të njëjtën ditë deri në një kohë të caktuar ose të kërkosh që vizitorët të prenotojnë deri në shtatë ditë para regjistrimit.

• Sinkronizo kalendarët. Sinkronizimi i kalendarit të Airbnb me çdo kalendar tjetër të ndihmon të menaxhosh oraret e pritjes së vizitorëve dhe të shmangësh mbivendosjen e prenotimeve.

• Zgjidh një rregullore anulimi. Përcakton sa fleksibël ose strikt do të doje të ishe, nëse një vizitor anulon. Zgjidh se çfarë të përshtatet ty.

• Mbaje kalendarin të përditësuar. Kjo ndihmon në parandalimin e anulimit të rezervimeve dhe zbatimin e penaliteteve dhe tarifave përkatëse.

Vendos se kur dëshiron që vizitorët të regjistrohen dhe sa kohë preferon të kesh midis prenotimeve.

• Cakto kohëzgjatjen minimale dhe maksimale të qëndrimit. Mund të krijosh kohëzgjatje të personalizuar udhëtimi për data të caktuara. Ndiq gjithmonë rregullat dhe rregulloret lokale.

• Cakto kohën e përgatitjes. Sa kohë të duhet ty apo iu duhet pastruesve të tu midis qëndrimeve të vizitorëve? Shumë pritës i lejojnë vizitorët të regjistrohen në të njëjtën ditë kur vizitorët e tjerë çregjistrohen. Të tjerë bllokojnë një ose dy netë para dhe pas çdo prenotimi.

• Cakto oraret e regjistrimit dhe çregjistrimit. Zgjidh se sa herët mund të mbërrijnë vizitorët dhe sa vonë mund të largohen. Ke gjithashtu mundësinë të caktosh një orar kufizues për regjistrimin, nëse nuk do që vizitorët të mbërrijnë shumë vonë.

Rezervimet mund t'i pranosh automatikisht ose manualisht. Është e lehtë ta përditësosh këtë cilësim në çdo kohë.

• Funksioni "Prenoto në çast" i mundëson kujtdo që i plotëson kriteret për vizitorët dhe pajtohet me rregullat e shtëpisë sate që të prenotojë automatikisht datat e disponueshme në kalendarin tënd. Vizitorët do të mund të vazhdojnë të të kontaktojnë, nëse kanë pyetje.

• Kërkesat e prenotimit të japin 24 orë për të pranuar ose për të refuzuar kërkesën e një vizitori para se të skadojë. Kjo të jep kohë të konfirmosh nëse vizitorët janë në dijeni të ndonjë rregulli ose elementi të veçantë, si p.sh. shkallët e pjerrëta që të çojnë për te hyrja e vetme. Nëse i lë kërkesat për prenotim të skadojnë, datat e kërkuara bllokohen në kalendarin tënd derisa t'i lirosh sërish ato.

Pavarësisht se cilën mënyrë prenotimi zgjedh, mbaje kalendarin të përditësuar për të parandaluar konfliktet në orare dhe anulimet.

Informacioni në këtë artikull mund të ketë ndryshuar që nga publikimi.