Bëj të mundur që listimi yt të spikatë

Shto fotografi me cilësi të lartë dhe listo të gjitha shërbimet e tua.

Nga Airbnb, më 8 maj 2024

Lexim 3-minutësh

Përditësuar më 8 maj 2024

Bëj të mundur që listimi yt të spikatë në kërkimet e vizitorëve duke shtuar fotografi cilësore dhe shërbimet më të kërkuara. Këto detaje i ndihmojnë vizitorët të përcaktojnë nëse ambienti yt i plotëson nevojat e tyre.

Shtimi i fotografive me cilësi të lartë

Fotografitë janë një nga pjesët më të rëndësishme të listimit tënd. Ja se si mund t'i përdorësh ato për të tërhequr vëmendjen e vizitorëve dhe për të ndihmuar në tërheqjen e më shumë prenotimeve.

Shfaq më së miri ambientin tënd. Gjej kohën gjatë ditës kur në dhomë hyn më shumë dritë natyrale, hap perdet ose grilat e dritareve dhe hiq rrëmujën.
Krijo një kompozim. Syno të realizosh një miks fotografish me kënd të gjerë dhe me pamje nga afër, duke e vendosur subjektin në qendër të kornizës. Shkrepe fotografinë në nivelin e syve, pa krijuar kënd për poshtë apo për lart.
Ofro një prezantim fotografik. Fotografo çdo hapësirë ku vizitorët mund të hyjnë. Prezantimi fotografik i mundësuar nga AI i Airbnb organizon menjëherë fotografitë e tua sipas dhomës për t'i ndihmuar vizitorët të kuptojnë planimetrinë e ambientit.

Merr më shumë sugjerime se si të bësh fotografi të mira të listimit dhe zbulo se si të punosh me një fotograf profesionist përmes programit të fotografive profesionale.

Shtimi i të gjitha shërbimeve që ofron

Kur konfiguron listimin, të kërkohet të zgjedhësh nga një listë e shkurtër me shërbimet më të kërkuara. Pasi të publikosh listimin, sigurohu që të shtosh pjesën tjetër të shërbimeve të tua nga lista e plotë prej gati 150 të tilla.

Shumë vizitorë përdorin filtra për të kërkuar ambiente që kanë shërbimet dhe karakteristikat që duan. Nëse plotëson listën e shërbimeve, listimi yt do të spikatë në rezultatet e kërkimit dhe vizitorët do të vendosin pritshmëritë e tyre.

Shërbimet kryesore që kërkojnë vazhdimisht vizitorët në Airbnb përfshijnë:

Wifi
Një pishinë
Një vaskë me hidromasazh
Një kuzhinë
Televizor ose kanale kabllore
Ajër i kondicionuar
Lavatriçe dhe tharëse rrobash
Parkim falas
Hyrje me vetëshërbim

Si të kontrollosh titullin dhe përshkrimin e listimit

Përdor titullin dhe përshkrimin për të përcjellë se çfarë e bën ambientin tënd të veçantë.

Mbaje titullin të shkurtër. Për shembull, "Loft modern me pamje nga qendra e qytetit" përdor katër fjalë të thjeshta dhe përshkruese. Përdor germë të madhe vetëm në shkronjën e parë të fjalës së parë në titull, si dhe për emrat e përveçëm. Shmang emojit, simbolet dhe shkrimin vetëm me germa të mëdha.
Fokusohu te karakteristikat e veçanta. Te titulli mund të theksosh vendndodhjen ose një nga shërbimet kryesore, si "Kabinë e rehatshme me kuzhinë profesionale".
Përdor formë bashkëbiseduese. Në përshkrim, shpjego se si është të qëndrosh në ambientin tënd sikur po ia thua një miku. Ndaj detajet që të pëlqejnë më shumë.

Vendosja e rregullave të shtëpisë

Airbnb ka rregulla bazë që duhen ndjekur nga të gjithë vizitorët. Ato janë të qarta dhe koncize: Vizitorët duhet ta trajtojnë banesën tënde si të tyren dhe të pajtohen me rregullat standarde të shtëpisë kur prenotojnë.

Rregullat e shtëpisë i ndihmojnë vizitorët të kuptojnë se çfarë lejon në ambientin tënd. Këto rregulla duhet të jenë në përputhje me Kushtet e shërbimit dhe Rregulloren e mosdiskriminimit të Airbnb.

Zgjidh nga lista e Airbnb e rregullave standarde të shtëpisë në këto fusha: